മയാമി: ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ അന്താരാഷ്ട്ര മാധ്യമ സമ്മേളനത്തിന് ഡബിൾ ഹോഴ്സ് ബ്രാൻഡ് ഉടമകളായ മഞ്ഞിലാസ് ഗ്രൂപ്പ് പ്ലാറ്റിനം സ്പോൺസർ . തൃശൂർ കേന്ദ്രമായി ലോകമെങ്ങും മികച്ച ഭക്ഷ്യ വസ്തുക്കൾ നിർമ്മിച്ചു വിതരണം ചെയ്യുന്ന മഞ്ഞിലാസ് ഗ്രൂപ്പും അവരുടെ ഡബിൾ ഹോഴ്സ് ബ്രാൻഡും വിശ്വസ്തതയുടെ പര്യായമാണ്. 2023 നവംബർ 2 മുതൽ 4 വരെ മയാമിയിലുള്ള ഹോളിഡേ ഇൻ മയാമി വെസ്റ്റ് ഹോട്ടലിൽ വെച്ചാണ് മാധ്യമ സമ്മേളനം നടക്കുന്നത് . രാഷ്ട്രീയ-സാമൂഹിക-മാധ്യമ രംഗത്തെ പ്രമുഖർ ചടങ്ങിൽ പങ്കെടുക്കും. നവ:3 വെളിയാഴ്ചയും ,4 ശനിയാഴ്ചയും രാവിലെ 10 മുതൽ രാത്രി 10 മണി വരെ സെമിനാറുകളും, ഓപ്പൺ ഫോറവും , പൊതു സമ്മേളനവും , വൈവിധ്യമാർന്ന കലാപരിപാടികളും നടക്കും. ഏവർക്കും പ്രവേശനം സൗജന്യമാണ്
എല്ലാവർക്കും നല്ല ഭക്ഷണം എന്ന ആശയമാണ് “ഡബിൾ ഹോഴ്സ്” എന്ന ലോകമലയാളികളുടെ പ്രിയപ്പെട്ട ബ്രാൻഡ് ആരംഭിക്കാൻ സ്ഥാപകനായ എം.ഒ. ജോണിനെ പ്രചോദിപ്പിച്ചത്. ദീർഘദർശിയും മാനുഷികവാദിയുമായ ബിസിനസ്സുകാരനായിരുന്നു അദ്ദേഹം . കേരളത്തിലെ വ്യാപാരികളുടെ ഏറ്റവും വലിയ സംഘടനയായ കേരള വ്യാപാരി വ്യവസായി ഏകോപന സമിതിയുടെ സ്ഥാപക ജനറൽ സെക്രട്ടറിയും തൃശ്ശൂരിലെ ചേംബർ ഓഫ് കൊമേഴ്സ് പ്രസിഡന്റുമായിരുന്ന അദ്ദേഹത്തിന്റെ സംരംഭകത്വ കഴിവുകൾ അദ്ദേഹത്തെ അക്കാലത്തെ ബ്രാൻഡ് – മാർക്കറ്റ് ലീഡർ ആക്കി. 64 വർഷം മുൻപ് ഡബിൾ ഹോഴ്സിന്റെ മാതൃ ബ്രാൻഡായ മഞ്ഞിലാസ് ഉയർന്ന ഗുണമേന്മയുള്ള അരിയും ധാന്യങ്ങളും വിൽക്കുന്ന ഒരു റൈസ് മില്ലിങ് കമ്പനിയായാണ് സ്ഥാപിതമായത് .
ഉപഭോക്താക്കൾക്ക് ഏറ്റവും മികച്ചത് മാത്രം നൽകാനുള്ള പ്രതിബദ്ധതയുടെ കരുത്തിൽ ബ്രാൻഡ്, അഭൂതപൂർവമായ വളർച്ചയ്ക്ക് സാക്ഷ്യം വഹിച്ചു. സംസ്ഥാനത്തെ ആദ്യത്തെ ISO 9001:2000 സർട്ടിഫൈഡ് റൈസ് മില്ലും സോർട്ടക്സ് അരിയും കല്ലില്ലാത്ത അരിയും കളർ ഗ്രേഡിംഗും അവതരിപ്പിച്ച ആദ്യത്തെ ഫുഡ് ബ്രാൻഡും ആയി ഇത് കേരളത്തിലെ ഭക്ഷ്യ മേഖലയിൽ വിപ്ലവം സൃഷ്ടിച്ചു.