തിരുവനന്തപുരം: സംസ്ഥാനത്ത് ഏറെ സാധ്യതകളുള്ള ടൂറിസം മേഖലയില് നിക്ഷേപം നടത്തി ലോകോത്തര സന്പദ് വ്യവസ്ഥയായി കേരളത്തെ മാറ്റുന്നതില് പങ്കാളികളാകാൻ നിക്ഷേപകരോട് മുഖ്യമന്ത്രി പിണറായി വിജയൻ അഭ്യര്ഥിച്ചു.
ഏറ്റവും മികച്ച ടൂറിസം ഡെസ്റ്റിനേഷനില് നിന്ന് രാജ്യത്തെ മികച്ച ടൂറിസം നിക്ഷേപ കേന്ദ്രമായി മാറാൻ കേരളം ഒരുങ്ങുകയാണെന്നും കേരള ടൂറിസം സംഘടിപ്പിച്ച ടൂറിസം നിക്ഷേപക സംഗമം ഉദ്ഘാടനം ചെയ്തുകൊണ്ട് മുഖ്യമന്ത്രി പറഞ്ഞു.
സംസ്ഥാന തൊഴില് ശക്തിയുടെ നാലിലൊന്ന് വിനോദസഞ്ചാര മേഖലയില് ജോലി ചെയ്യുന്നതായും മുഖ്യമന്ത്രി ചൂണ്ടിക്കാട്ടി.