കുവൈത്ത് സിറ്റി: പൗരസ്ത്യ കാതോലിക്കയായി അഭിഷിക്തനായ മലങ്കര മെത്രാപ്പോലീത്ത മാര്‍ ബസേലിയോസ് മാര്‍ത്തോമാ മാത്യൂസ് തൃതീയന്‍ കാതോലിക്കാ ബാവക്ക് കുവൈത്ത് സെന്‍റ് തോമസ് ഇന്ത്യന്‍ ഓര്‍ത്തഡോക്സ് പഴയപള്ളി സ്നേഹാദരവ് നല്‍കി.
കോവിഡ് പ്രതിസന്ധിയില്‍ ദേവാലയങ്ങളിലെ ഒരുമിക്കല്‍ അസാധ്യമായപ്പോള്‍ ഇടവകയിലെ പ്രാര്‍ഥന യോഗങ്ങളെയും പ്രസ്ഥാനങ്ങളെയും ഒന്നിപ്പിച്ച്‌ ഓണ്‍ലൈനായി തുടങ്ങിയ പ്രാര്‍ഥന യോഗത്തിെന്‍റ 75ാമത് ആഴ്ചയിലെ യോഗം ഇതോടൊപ്പം നടത്തി.
കോട്ടയം കാതോലിക്കേറ്റ് ദേവലോകം അരമനയില്‍നിന്നും കുവൈത്ത് സെന്‍റ് തോമസ് പഴയപള്ളിയില്‍നിന്നുമായാണ് 75ാമത് യോഗം നടത്തിയത്. വൈദിക ശ്രേഷ്ഠരും ഇടവക അംഗങ്ങളും വിശ്വാസികളും ലോകത്തിെന്‍റ പല ഭാഗങ്ങളില്‍നിന്നായി പെങ്കടുത്തു.
ഇടവക മെത്രാപ്പോലീത്താ ഡോ. ജോസഫ് മാര്‍ ദിവന്യാസിയോസ് മെത്രാപ്പോലീത്തായുടെ അധ്യക്ഷതയില്‍ കൂടിയ യോഗത്തില്‍ മലങ്കര സഭ അസോസിയേഷന്‍ സെക്രട്ടറി അഡ്വ. ബിജു ഉമ്മന്‍, ജോണ്‍സണ്‍ കല്ലിട്ടതില്‍ കോര്‍ എപ്പിസ്കോപ്പാ, കെ.വി. പോള്‍, അഡ്മിനിസ്ട്രേറ്റിവ് വികാരി ജിജു ജോര്‍ജ്, ഇടവക ട്രസ്റ്റി പോള്‍ വര്‍ഗീസ്, ആക്ടിങ് ട്രസ്റ്റി വിനോദ് വര്‍ഗീസ്, സെക്രട്ടറി ബോബന്‍ ജി. ജോണ്‍, പ്രാര്‍ഥന യോഗം കോഒാഡിനേറ്റര്‍ സന്തോഷ് ബേബി, ഭരണസമിതി അംഗങ്ങള്‍, പ്രാര്‍ഥനയോഗം സെക്രട്ടറിമാര്‍ എന്നിവര്‍ സംബന്ധിച്ചു.
