ഇടവിളയായി കാപ്പി കൃഷിയിലേക്ക് മാറിയവരും കുറവല്ല. വലിയ തോതില് തെങ്ങ് നട്ടവര്ക്ക് കേടുപാടും വണ്ട്ശല്യവും വിനയായി. കിഴക്കന്മേഖലയില് തേങ്ങാ ഉത്പാദനം മെച്ചമല്ലാതാവുകയും ചെയ്തു. കഴിഞ്ഞ വര്ഷം കപ്പക്കൃഷി നടത്തിയവര്ക്ക് നേട്ടമായിരുന്നു. കിലോ 40 രൂപവരെ കപ്പയ്ക്ക് വിലയുണ്ട്. ഒരു വര്ഷമായി കപ്പവിലയില് കുറവില്ല.
നിലവില് കവുങ്ങുകൃഷി വ്യാപകമാവുകയാണ്. ഉണക്കപ്പാക്കിന് 300 രൂപയ്ക്കും പഴുക്കായ്ക്ക് ഏഴു രൂപയും വിലയുണ്ട്. ജലസൗകര്യമുള്ള പ്രദേശങ്ങളില് ഇപ്പോള് വ്യാപകമാകുകയാണ് കവുങ്ങ്.
കാറ്റുവീഴ്ചയും ഫംഗസ് ബാധയും പുതിയ ഇനങ്ങളെ ബാധിക്കുമോ എന്ന ആശങ്ക വ്യാപകമാണ്. അടയ്ക്കയ്ക്ക് വരുംഭാവിയിലും ഡിമാന്ഡ് തുടരുമെന്ന സാധ്യതയിലാണ് കവുങ്ങിന് പ്രിയമേറുന്നത്.
എന്നാല് അടയ്ക്ക പറിച്ചെടുക്കാന് തൊഴിലാളികളെ കിട്ടാനില്ലെന്നതും തെങ്ങ് കയറ്റയന്ത്രം കവുങ്ങില് പ്രായോഗികമല്ലെന്നതും പരിമിതിയാണ്.