വയനാട്: ചികിത്സാ പിഴവെന്ന പരാതി‌യെ തുടര്ന്ന് യുവാവിന്‍റെ മൃതദേഹം നാലുദിവസത്തിന് ശേഷം പുറത്തെടുത്ത് പോസ്റ്റുമോര്‍ട്ടത്തിന് അയച്ചു.
കല്‍പ്പറ്റ‌യിലെ സ്വകാര്യ ആശുപത്രിയില്‍ ചികിത്സയ്ക്കിടെ മരിച്ച പുല്‍പ്പള്ളി ശശിമല ചോലിക്കര സ്വദേശി സ്റ്റെബിന്‍റെ മൃതദേഹമാണ് പുറത്തെ‌ടുത്തത്.
മൂക്കിലെ ദശ നീക്കാൻ എത്തിയതായിരുന്നു സ്റ്റെബിൻ. അനസ്തേഷ്യ നല്‍കിയതിലെ പിഴവാണ് യുവാവിന്‍റെ മരണത്തിനു കാരണമെന്ന് ബന്ധുക്കള്‍ ആരോപിച്ചു. അതേ സമയം ഹൃദയാഘാതമെന്നാണ് ആശുപത്രിയുടെ വിശദീകരണം.
