ഷാര്‍ജ: റീട്ടെയില്‍ മേഖലയില്‍ വമ്ബന്‍ ജനാകര്‍ഷക പ്രമോഷനായ 10, 20, 30 പ്രെമോഷന് സഫാരി ഹൈപ്പര്‍മാര്‍ക്കറ്റില്‍ ആവേശകരമായ തുടക്കം.
വിശ്വസ്തരായ ഉപഭോക്താക്കള്‍ക്ക് മൂല്യവത്തായി തിരിച്ചുനല്‍കുകയെന്ന താല്‍പര്യം മുന്‍നിര്‍ത്തിയാണ് ഇതിനകം ശ്രദ്ധേയമായിക്കഴിഞ്ഞ ഈ പ്രൊമോഷൻ യു.എ.ഇയിലെ ഏറ്റവും വലിയ ഹൈപ്പര്‍മാര്‍ക്കറ്റായ സഫാരിയില്‍ വീണ്ടും ആരംഭിച്ചതെന്ന് ഗ്രൂപ് മാനേജിങ് ഡയറക്ടര്‍ സൈനുല്‍ ആബിദീൻ പറഞ്ഞു. ഇത്തവണ വിന്റര്‍ വെക്കേഷനില്‍ നാട്ടിലേക്ക് പോകുന്നവരെ സംബന്ധിച്ചിടത്തോളം 10, 20, 30 പ്രമോഷൻ അനുഗ്രഹമാകും. ഗുണനിലവാരമുള്ള ഉല്‍പന്നങ്ങള്‍ ഏറ്റവും കുറഞ്ഞ വിലക്ക് വാങ്ങാമെന്നതാണ് ഇതുകൊണ്ടുള്ള പ്രയോജനം. മറ്റെങ്ങും കിട്ടാത്ത സുവര്‍ണാവസരം ഉപഭോക്താക്കള്‍ ഉപയോഗിക്കുമെന്നാണ് പ്രൊമോഷന്റെ പ്രത്യേകതയെന്നും അദ്ദേഹം അഭിപ്രായപ്പെട്ടു. ഏറ്റവും ഗുണനിലവാരമുള്ള 500ലധികം ബ്രാന്‍ഡഡ് ഉല്‍പന്നങ്ങള്‍ ഉള്‍പ്പെടുത്തിയാണ് 10, 20, 30 പ്രമോഷന് തുടക്കം കുറിച്ചിരിക്കുന്നത്.
സൂപ്പര്‍മാര്‍ക്കറ്റ് ആൻഡ് ഡിപ്പാര്‍ട്ടുമെന്‍റ് സ്റ്റോറിലും, ഫര്‍ണിച്ചര്‍ സ്റ്റോറിലും രുചിവൈവിധ്യങ്ങളുടെ കലവറ തന്നെയായി മാറിയ സഫാരി ബേക്കറി ആൻഡ് ഹോട്ട്ഫുഡിലും അടക്കം എല്ലാവിഭാഗങ്ങളിലും പ്രമോഷൻ ലഭ്യമാണ്. ഗുണനിലവാരമുള്ള ബ്രാന്‍ഡുകളും, സെമി ബ്രാന്‍ഡുകളും ഉള്‍പ്പെടുത്തിയുള്ള പ്രമോഷന് യു.എ.ഇയില്‍ ആദ്യം ആവിഷ്‌കരിച്ചത് സഫാരിയാണ്.
സഫാരിയുടെ ആരംഭം മുതല്‍ യു.എ.ഇയിലെ ജനങ്ങള്‍ക്ക് ധാരാളം ‘വിൻ പ്രമോഷനു’കളായ കാറുകളും സ്വര്‍ണവും ‘ഹാഫ് എ മില്യണ്‍ ദിര്‍ഹം’സും നടത്തി വൻ മുന്നേറ്റം സൃഷ്ടിക്കാൻ സഫാരിക്ക് കഴിഞ്ഞിട്ടുണ്ട്.
വിന്‍10 നിസ്സാന്‍ സണ്ണി കാര്‍ പ്രമോഷനാണ് ഇപ്പോള്‍ നടക്കുന്നത്. 2023 ജൂലൈ 25 മുതല്‍ 2024 ജൂണ്‍ രണ്ടുവരെ നീളുന്ന പ്രമോഷന്റെ കാലയളവിലായി ഇടവേളകളില്ലാതെ ഓരോ മാസവും നടക്കുന്ന നറുക്കെടുപ്പില്‍ ഓരോ കാര്‍ വീതം മൊത്തം 10 നിസ്സാൻ സണ്ണി കാറുകളാണ് സമ്മാനമായി നല്‍കുക. സഫാരി ഹൈപ്പര്‍ മാര്‍ക്കറ്റില്‍നിന്ന് 50 ദിര്‍ഹമിന് പര്‍ച്ചേയ്‌സ് ചെയ്യുമ്ബോള്‍ ലഭിക്കുന്ന റാഫിള്‍ കൂപ്പണ്‍ വഴി മൈ സഫാരി ആപ്പില്‍ രജിസ്റ്റര്‍ ചെയ്ത ഏതൊരാള്‍ക്കും മെഗാ സമ്മാന പദ്ധതിയില്‍ പങ്കാളികളാകാം.
