Monday, April 22, 2024
HomeGulfതിരുവനന്തപുരം ഒ.ഐ.സി.സി വാര്‍ഷികാഘോഷം ഇന്ന്

തിരുവനന്തപുരം ഒ.ഐ.സി.സി വാര്‍ഷികാഘോഷം ഇന്ന്

റിയാദ്: ഒ.ഐ.സി.സി തിരുവനന്തപുരം ജില്ല കമ്മിറ്റിയുടെ 13ാമത് വാർഷിക സമ്മേളനം വ്യാഴാഴ്ച റിയാദില്‍ അരങ്ങേറും. സമ്മേളനത്തില്‍ ശശി തരൂർ എം.പി മുഖ്യാതിഥിയായി പങ്കെടുക്കുമെന്നും സംഘാടകർ വാർത്തസമ്മേളനത്തില്‍ അറിയിച്ചു.

‘ഖാദിയില്‍ നെയ്ത ഭാരത ചരിതം’ എന്ന തലവാചകത്തില്‍ റിയാദ് എക്സിറ്റ് 32ലെ ഖുറൈസ് റോഡിലുള്ള നൗറാസ് ഓഡിറ്റോറിയത്തിലാണ് വാർഷിക സമ്മേളനം. വൈകീട്ട് ഏഴിന് ആരംഭിക്കുന്ന പരിപാടിയില്‍ റിയാദിലെ പൊതുസമൂഹവുമായും വിദ്യാര്‍ഥികളുമായും ശശി തരൂർ സംവദിക്കും.

പരിപാടിയില്‍ പങ്കെടുക്കുന്നതിന് മുൻകൂട്ടി രജിസ്‌ട്രേഷൻ ചെയ്യണം. ഇതിനായി ഓണ്‍ലൈൻ രജിസ്‌ട്രേഷൻ ആരംഭിച്ചിട്ടുണ്ട്. രജിസ്‌ട്രേഷൻ പൂർത്തിയാക്കി ക്യു.ആര്‍ കോഡുള്ള ഡിജിറ്റല്‍ ബാഡ്‌ജുമായി എത്തുന്നവർക്കാണ് ഹാളിലേക്ക് പ്രവേശനം അനുവദിക്കുകയെന്ന് സംഘാടകർ അറിയിച്ചു. തരൂരുമായുള്ള ചർച്ചസദസ്സില്‍ പ്രചോദന പ്രഭാഷക സുഷ്മ ഷാന്‍ മോഡറേറ്ററാവും. വാർഷികാഘോഷ പരിപാടികളുടെ ഭാഗമായി സാംസ്കാരിക സമ്മേളനം, സിനിമാ പിന്നണിഗായിക സുമി അരവിന്ദിന്റെ നേതൃത്വത്തില്‍ റിയാദില്‍ കലാകാരന്മാരും കലാകാരികളും അണിനിരക്കുന്ന സംഗീതനിശ, നൃത്തനൃത്ത്യങ്ങള്‍ എന്നിവ അരങ്ങേറും. എസ്.ടി.സി പേയുമായി സഹകരിച്ച്‌ സംഘടിപ്പിക്കുന്ന പരിപാടിയില്‍ സിനിമാതാരം ഡോന്ന സൂസന്‍ ഐസക് അവതാരകയാകും.

വരുന്ന ഒരു വർഷക്കാലം റിയാദ് ഒ.ഐ.സി.സി ഖാദി പ്രചാരണ വര്‍ഷമായി ആഘോഷിക്കുമെന്നും ഭാരവാഹികള്‍ പറഞ്ഞു. തിരുവനന്തപുരം ജില്ല പ്രസിഡൻറ് വിൻസെൻറ് കെ. ജോർജ്, സെൻട്രല്‍ കമ്മിറ്റി പ്രസിഡൻറ് അബ്ദുല്ല വല്ലാഞ്ചിറ, ഫൈസല്‍ ബാഹസൻ, നിഷാദ് ആലംകോട്, റാസി കോരാണി, സജീർ പൂന്തുറ എന്നിവർ വാർത്തസമ്മേളനത്തില്‍ സംബന്ധിച്ചു.

RELATED ARTICLES

LEAVE A REPLY

Please enter your comment!
Please enter your name here

STORIES

Most Popular