Tuesday, June 25, 2024
HomeCinemaലാലേട്ടന്റെ ജന്മദിനത്തില്‍ രാവിലെ തന്നെ സര്‍പ്രൈസ് പുറത്തിറക്കി പൃഥ്വിരാജ്; എംപുരാനിലെ ലുക്ക് ഇതാണ് !

ലാലേട്ടന്റെ ജന്മദിനത്തില്‍ രാവിലെ തന്നെ സര്‍പ്രൈസ് പുറത്തിറക്കി പൃഥ്വിരാജ്; എംപുരാനിലെ ലുക്ക് ഇതാണ് !

മോഹന്‍ലാലിന്റെ ജന്മദിനത്തില്‍ എംപുരാന്‍ സിനിമയുടെ പോസ്റ്റര്‍ പുറത്തിറക്കി പൃഥ്വിരാജ്.
ഖുറേഷി അബ്രാം എന്ന മോഹന്‍ലാല്‍ കഥാപാത്രത്തെ അവതരിപ്പിക്കുന്ന പോസ്റ്ററാണ് അണിയറ പ്രവര്‍ത്തകര്‍ പുറത്തുവിട്ടത്. സ്റ്റൈലിഷ് ലുക്കിലാണ് ലാലിനെ പോസ്റ്ററില്‍ കാണുന്നത്. ‘ഹാപ്പി ബര്‍ത്ത്‌ഡേ ലാലേട്ടാ’ എന്ന കുറിപ്പോടെയാണ് പൃഥ്വി എംപുരാന്‍ പോസ്റ്റര്‍ പങ്കുവെച്ചത്.മുരളി ഗോപിയുടെ തിരക്കഥയില്‍ പൃഥ്വിരാജ് സംവിധാനം ചെയ്യുന്ന ചിത്രമാണ് എംപുരാന്‍. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്ബാവൂരാണ് ചിത്രം നിര്‍മിക്കുന്നത്. വമ്ബന്‍ ഹിറ്റായ ലൂസിഫറിന്റെ രണ്ടാം ഭാഗമായാണ് എംപുരാന്‍ എത്തുന്നത്. പൃഥ്വിരാജ്, ഇന്ദ്രജിത്ത് എന്നിവരും ഈ ചിത്രത്തില്‍ ശ്രദ്ധേയമായ വേഷങ്ങള്‍ അവതരിപ്പിക്കുന്നു. അടുത്ത വര്‍ഷമായിരിക്കും റിലീസ്.

മോഹന്‍ലാലിന്റെ 64-ാം ജന്മദിനമാണ് ഇന്ന്. 1960 മേയ് 21 നാണ് മോഹന്‍ലാലിന്റെ ജനനം. 1980 ല്‍ ഫാസില്‍ സംവിധാനം ചെയ്ത മഞ്ഞില്‍ വിരിഞ്ഞ പൂക്കളിലൂടെ സിനിമാരംഗത്ത് ശ്രദ്ധിക്കപ്പെട്ടു. പിന്നീടങ്ങോട്ട് മോഹന്‍ലാല്‍ മലയാളികളുടെ പ്രിയപ്പെട്ട താരമായി. സിനിമയില്‍ നാല് പതിറ്റാണ്ട് പിന്നിട്ട ലാല്‍ 450 ല്‍ അധികം സിനിമകളില്‍ അഭിനയിച്ചിട്ടുണ്ട്.

RELATED ARTICLES

STORIES

Most Popular