ദോഹ: കള്ച്ചറല് ഫോറം കൊല്ലം ജില്ലയുടെ 2022-23 പ്രവര്ത്തന കാലയളവിലേക്ക് ഷിബു ഹംസ പ്രസിഡന്റും നിജാം അബ്്ദുല് അസീസ് ജനറല് സെക്രട്ടറിയായും 25 അംഗ ജില്ല കമ്മിറ്റി നിലവില് വന്നു.
സുനില് കൃഷ്ണ, മന്സൂര് ഹൈദര്, മുഹമ്മദ് നജീം എന്നിവരാണ് വൈസ് പ്രസിഡന്റുമാര്. ലിജിന് രാജന്, നിസാര്, സബീര് മുഹമ്മദ്, ഇര്ഷാദ് എന്നിവരാണ് സെക്രട്ടറിമാര്. മുഹമ്മദ് ഹഫീസാണ് ട്രഷറര് . കോവിഡ് ഉള്പ്പെടെയുള്ള വെല്ലുവിളി നിറഞ്ഞ കഴിഞ്ഞ കാലയളവിലെ ജില്ലയുടെ സമാശ്വാസ പ്രവര്ത്തനങ്ങള് യോഗം വിലയിരുത്തി.
ജില്ലയില്നിന്നുള്ള മുപ്പത്തിയഞ്ചോളം പ്രവാസികള്ക്ക് ടിക്കറ്റ്, ക്വറന്റീന് ഉള്പ്പെടെയുള്ള യാത്ര സൗകര്യം, കൗണ്സലിങ്, ചികിത്സ, ജോലി, താമസസൗകര്യം തുടങ്ങി വ്യത്യസ്ത സേവനങ്ങള് ചെയ്യാനും നാനൂറോളം ഫുഡ് കിറ്റ് വിതരണം ചെയ്യാനും ജില്ലക്ക് കഴിഞ്ഞതായി വിലയിരുത്തി. കള്ച്ചറല് ഫോറം സ്റ്റേറ്റ് ജനറല് സെക്രട്ടറി താസീന് അമീന്, സെക്രട്ടറി കെ.ടി. മുബാറക് എന്നിവര് തെരഞ്ഞെടുപ്പിന് നേതൃത്വം നല്കി.
പുതിയ കാലയളവിലേക്ക് സ്റ്റേറ്റ് വര്ക്ക് കമ്മിറ്റിയിലേക്ക് തിരഞ്ഞെടുക്കപ്പെട്ട ജില്ലയില് നിന്നുള്ള നേതാക്കളായ ചന്ദ്രമോഹന്, അബ്്ദുറഷീദ് എന്നിവരെ ചടങ്ങില് പൊന്നാടയണിയിച്ചു. കള്ച്ചറല് ഫോറം സ്റ്റേറ്റ് വൈസ് പ്രസിഡന്റ് ചന്ദ്രമോഹന് സമാപന പ്രസംഗം നടത്തി.