FIH പ്രോ ലീഗില് ഇന്ത്യൻ പുരുഷ ഹോക്കി ടീമിന് തകർപ്പൻ വിജയം. അവർ കഴിഞ്ഞ ഒളിമ്ബിക്സിലെ സ്വർണ്ണ ജേതാക്കളായ അർജൻ്റീനയെ തോല്പ്പിച്ചു.
5-4 എന്ന സ്കോറിനായിരുന്നു ഇന്ത്യയുടെ വിജയം. അവസാന കുറച്ച് കാലമായുള്ള ഹോക്കിയിലെ മോശം ഫോമില് ഈ വിജയം ഇന്ത്യക്ക് വലിയ ആശ്വാസമാകും.
ഹർമൻപ്രീത് സിംഗ് ഹാട്രിക് നേടി ഇന്ത്യയുടെ വിജയത്തില് നിർണായക പങ്കുവഹിച്ചു. അരയ്ജീത് സിംഗ് ഹുണ്ടലും ഗുർജന്ത് സിങ്ങും ഇന്ത്യക്ക് ആയി ഓരോ ഗോള് വീതവും നേടി.
കളി തീരാൻ 8 മിനിറ്റ് മാത്രം ബാക്കി നില്ക്കെ ഇന്ത്യ 5-2 ന് മുന്നില് ആയിരുന്നു. അവസാനം അർജൻ്റീന 2 ഗോളുകള് തിരിച്ചടിച്ചു സ്കോർ 5-4 എന്നാക്കിയത് ഇന്ത്യക്ക് അവസാന നിമിഷങ്ങളില് ആശങ്ക നല്കി. എങ്കിലും അവസാനം വിജയം ഉറപ്പിക്കാൻ ഇന്ത്യക്ക് ആയി.
ഇനി അടുത്ത മത്സരത്തില് ജൂണ് 1ന് ഇന്ത്യ ജർമ്മനിയെ നേരിടും.