ജനാധിപത്യ കേരള കോണ്‍ഗ്രസ് ചെയര്‍മാന്‍ ഡോ. കെ.സി. ജോസഫിനെതിരേ പാര്‍ട്ടിക്കുള്ളിലും എല്‍ഡിഎഫിലും വ്യാപക പരാതി ഉയരുന്നു. നിയമസഭ തെരഞ്ഞെടുപ്പില്‍ മത്സരക്കാന്‍ സീറ്റ് ലഭിക്കാത്തതിനെ തുടര്‍ന്നു അന്തര്‍മുഖനായി നില്‍ക്കുന്ന ചെയര്‍മാന്‍ കുട്ടനാട് പോലുള്ള മണ്ഡലങ്ങളില്‍ മത്സരിച്ച എല്‍ഡിഎഫ് സ്ഥാനാര്‍ഥികളെ പിന്തുണച്ചില്ലെന്നാണ് പരാതി. ഇതുകൂടാതെ സാമ്പത്തിക തട്ടിപ്പും ആരോപണമായി ഉയരുന്നു. കുട്ടനാട് നിയമസഭ തെരഞ്ഞെടുപ്പില്‍ മത്സരിച്ച എന്‍സിപി നേതാവ് തോമസ് കെ തോമസിന്റെ വിജയത്തിനു പ്രവര്‍ത്തിക്കേണ്ട എല്‍ഡിഎഫ് നേതാവായിരുന്നു ഡോ കെ.സി. എന്നാല്‍ 15 ലക്ഷം ഡോ കെസിക്കും സഹോദരനും കൊടുത്തുവെന്നു തോമസ് കെ തോമസ്് സിപിഎം സംസ്ഥാനസെക്രട്ടറി വിജയരാഘവനോട് പരാതി പറഞ്ഞിരിക്കുകയാണ്. പണം കൊടുത്തിട്ടും കെ സി ജോസഫ് പ്രചരണത്തിനിറങ്ങിയ മേഖലകളില്‍ ജോസഫ് ഗ്രൂപ്പിലെ സ്ഥാനാര്‍ഥിക്കു കൂടുതല്‍ വോട്ടുലഭിച്ചു. പഴയ ജോസഫ് ഗ്രൂപ്പുകാരനായ ഡോ. കെ.സി. ജോസഫ് എല്‍ഡിഎഫിനെതിരേ പ്രവര്‍ത്തിച്ചുവെന്നാണ് പരാതി. എന്നാല്‍ നേതാവിന്റെ ഗുണം കാരണം പലരും നാട്ടില്‍ നിന്നും തന്നെ പാലായനം ചെയ്യുകയാണെന്നാണ് വിജയരാഘവന്റെ കമന്റ്. ഇതേ സമയംവിജയരാഘവന്‍ കുട്ടനാട് സിപിഎം നേതൃത്വത്തോടു റിപ്പോര്‍ട്ടും തേടിയിട്ടുണ്ട്. ഇതു എല്‍ഡിഎഫില്‍ ചര്‍ച്ച ചെയ്യാനുള്ള സാധ്യതയേറിയിട്ടുണ്ട് .
പാര്ട്ടിസംസ്ഥാനസെക്രട്ടറിയേറ്
ഇതിനിടയില്‍ പാര്‍ട്ടിയുമായി മുന്നോട്ടു പോകാന്‍ വിഷമിക്കുന്ന ചെയര്‍മാന്‍ പഴയ തറവാട്ടിലേക്കു തിരിച്ചു പോകുന്നതിനെ കുറിച്ചും ആലോചിച്ചു തുടങ്ങി. പി.ജെ. ജോസഫുമായി വ്യക്തിബന്ധം കാത്തുസൂക്ഷിക്കുന്ന ചെയര്‍മാനു ജോസഫിന്റെ താവളം ആശ്വാസമാകും.
മാത്യു ജോണ്‍
