ഡിഗ്രി കഴിഞ്ഞ സമയത്താണ് താന് പുകവലി തുടങ്ങിയതെന്ന് ജഗതി പറയുന്നു. പിന്നീട് ശബ്ദത്തിനു പ്രശ്നം വന്നു തുടങ്ങിയപ്പോള് തനിക്ക് തന്നെ പുകവലി പ്രശ്നമായി തോന്നി തുടങ്ങിയെന്നും ജഗതി പറഞ്ഞു. മകന് പുകവലിക്കുന്നത് കണ്ട് ജഗതിയുടെ അമ്മ എപ്പോഴും ഉപദേശം നല്കിയിരുന്നു. ‘എടാ, ഒരു കലാകാരന് എന്ന് പറയുമ്ബോള് നിന്റെ ശബ്ദം, നിന്റെ മുഖം, നിന്റെ ആരോഗ്യം ഇതൊക്കെയാണ് ഏറെ പ്രധാനപ്പെട്ടത്. അതിന് ഹാനികരമാകുന്നതൊന്നും നീ ചെയ്യരുത്,’ എന്നാണ് അമ്മ തന്നോട് പറഞ്ഞിരുന്നതെന്ന് ജഗതി ഓര്ക്കുന്നു. അമ്മയുടെ ഉപദേശത്തിനു ശേഷവും താന് സിഗരറ്റ് വലി തുടര്ന്നതായി ജഗതി പറയുന്നു. പിന്നീട് ഏതാണ്ട് രണ്ട് വര്ഷം പുകവലി തുടര്ന്നെന്നും അതിനുശേഷമാണ് വലി നിര്ത്തിയതെന്നും ജഗതി പറഞ്ഞു.
ചില സമയത്ത് ഞാന് മൂക്കില് പൊടി വലിക്കും. ചിലപ്പോള് പാക്ക് കഴിക്കും. ചില സമയത്ത് മുറുക്കും. തലയ്ക്ക് ഒരു പെരുപ്പ് കിട്ടാന് വേണ്ടിയാണ് മുറുക്കുന്നത്. മുറുക്കി മുറുക്കി പല്ലും നാക്കുമെല്ലാം ചുമന്ന് തുടങ്ങി. പല്ലും നാക്കുമെല്ലാം ചുവന്ന് ഇപ്പോള് ഡ്രാക്കുളയുടെ പോലെ ഉണ്ട് കാണാന് എന്നാണ് അമ്മ ആ സമയത്ത് തന്നോട് പറഞ്ഞിരുന്നതെന്നും ജഗതി ഓര്ക്കുന്നു.