കൗമാരക്കാരായ നാലംഗ സംഘം ഇവരുടെ വീഡിയോ ഒളിച്ചിരുന്നു പകർത്തുകയും ആവശ്യപ്പെട്ട പണം നൽകിയില്ലെങ്കിൽ വീഡിയോ പുറത്തുവിടുമെന്ന് ഭീഷണിപ്പെടുത്തുകയുമായിരുന്നു,
ബെംഗളൂരു: കാമുകിക്കൊപ്പമുള്ള സ്വകാര്യ നിമിഷങ്ങളുടെ വീഡിയോ കാണിച്ച് പ്രായപൂർത്തിയാകാത്ത നാലുപേർ ഭീഷണിപ്പെടുത്തിയതിനെ തുടർന്ന് 32കാരൻ ആത്മഹത്യ ചെയ്തു. ചാമുണ്ഡേശ്വരി ഇലക്ട്രിസിറ്റി സപ്ലൈ കോർപറേഷനിലെ കരാർ തൊഴിലാളിയായ ജൂനിയർ അസിസ്റ്റന്റ് സുപ്രീതിനെയാണ് ഹോട്ടൽ മുറിയിൽ വിഷം കഴിച്ച് മരിച്ചനിലയിൽ കണ്ടെത്തിയത്. പ്രായപൂർത്തിയാകാത്ത നാലുപേർ ചേർന്ന് ഭീഷണിപ്പെടുത്തിയതിനെ തുടർന്നാണ് താൻ ആത്മഹത്യ ചെയ്യുന്നതെന്ന സുപ്രീതിന്റെ കുറിപ്പ് പൊലീസ് കണ്ടെടുത്തു. നാലുപേരെയും പൊലീസ് അറസ്റ്റ് ചെയ്യുകയും ചെയ്തു.
