കൊച്ചി: വനിത ഹോസ്റ്റലില് കയറി പഴ്സും മൊബൈല് ഫോണും മോഷ്ടിച്ച കേസിലെ പ്രതി അറസ്റ്റില്.
തിരുവനന്തപുരം വിതുര കുഴുവിലകത്ത് വീട്ടില് അല്അമീന് (34) ആണ് അറസ്റ്റിലായത്.
കോവില്വട്ടം റോഡിലെ സെന്റ്. ജോസഫ് കോളജ് ഹോസ്റ്റലില് ഞായറാഴ്ച ഉച്ചക്ക് 2.30നാണ് മോഷണം നടത്തിയത്.
സംഭവമറിഞ്ഞ് സ്ഥലത്തെത്തിയ സെന്ട്രല് പൊലീസ് സി.സി.ടി.വി ദൃശ്യങ്ങളില് നിന്നാണ് പ്രതിയെ തിരിച്ചറിഞ്ഞത്. തുടര്ന്ന് നടത്തിയ പരിശോധനയില് മറൈന്ഡ്രൈവ് പരിസരത്ത് പ്രതിയെ കണ്ടെത്തി.
പൊലീസിനെ കണ്ട് ബസില് കയറി രക്ഷപ്പെടാന് ശ്രമിച്ചെങ്കിലും ബസ് തടഞ്ഞ് അറസ്റ്റ് ചെയ്യുകയായിരുന്നു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.