റിയാദ്: കേളി കലാസാംസ്കാരിക വേദിയുടെ അല്ഖര്ജ് ഏരിയയിലെ ഹോത്ത യൂനിറ്റ് സമ്മേളനം നടന്നു.
അബ്ദുല് മജീദ് നഗറില് നടന്ന യൂനിറ്റ് സമ്മേളനത്തില് യൂനിറ്റ് പ്രസിഡന്റ് സജീന്ദ്രബാബു അധ്യക്ഷത വഹിച്ചു.
ജ്യോതിലാല് ഉദ്ഘാടനം ചെയ്തു. യൂനിറ്റ് സെക്രട്ടറി റഹീം ശൂരനാട് പ്രവര്ത്തന റിപ്പോര്ട്ടും ട്രഷറര് രാമകൃഷ്ണന് വരവ്-ചെലവും കേളി സെക്രട്ടേറിയറ്റ് അംഗം സതീഷ് വളവില് സംഘടന റിപ്പോര്ട്ടും അവതരിപ്പിച്ചു. ചര്ച്ചകള്ക്ക് കേളി ജോയന്റ് സെക്രട്ടറി സുരേഷ് കണ്ണപുരം, യൂനിറ്റ് സെക്രട്ടറി റഹീം, കേന്ദ്ര രക്ഷാധികാരി കമ്മിറ്റി അംഗം ടി.ജി. ജോസഫ് എന്നിവര് മറുപടി പറഞ്ഞു.
ഷറഫ് മണ്ണാര്ക്കാട് സ്വാഗതവും റഹീം ശൂരനാട് നന്ദിയും പറഞ്ഞു. കെ-റെയില് നടപ്പാക്കുക, വിമാനയാത്ര നിരക്കിലെ കൊള്ള അവസാനിപ്പിക്കുക എന്നീ പ്രമേയങ്ങള് സമ്മേളനത്തില് അവതരിപ്പിച്ചു.
കേന്ദ്ര കമ്മിറ്റി അംഗങ്ങളായ ലിപിന് പശുപതി, ഏരിയ രക്ഷാധികാരി സമിതി അംഗങ്ങള് മണികണ്ഠന്, റഹീം, ജയന് പെരുനാട്, ഏരിയ ആക്ടിങ് സെക്രട്ടറി ഷബി അബ്ദുല്സലാം, നൗഷാദലി, ഏരിയ ആക്ടിങ് പ്രസിഡന്റ് ഒ.എം. ഹംസ, ഏരിയ കമ്മിറ്റി അംഗങ്ങളായ ചന്ദ്രന്, ഡേവിഡ് രാജ് എന്നിവര് സംസാരിച്ചു. ഭാരവാഹികള്: സജീന്ദ്രബാബു (പ്രസി.), റഹീം ശൂരനാട് (സെക്ര.), രാമകൃഷ്ണന് (ട്രഷ.).