ദോഹ: ഇന്ത്യന് വിദേശകാര്യമന്ത്രി ഡോ. എസ്. ജയശങ്കര് ഖത്തര് വിദേശകാര്യമന്ത്രി ശൈഖ് മുഹമ്മദ് ബിന് അബ്ദുല് റഹ്മാന് ആല്ഥാനിയുമായി ദോഹയില് കൂടിക്കാഴ്ച നടത്തി.
ബുധനാഴ്ച ദോഹയിലെ ഇന്ത്യന് എംബസിയുടെ പുതിയ കെട്ടിട ശിലാസ്ഥാപന ചടങ്ങില് പങ്കെടുക്കാന് എത്തിയപ്പോഴായിരുന്നു ഇരു രാജ്യങ്ങളുടെയും വിദേശകാര്യ മന്ത്രിമാരുടെ കൂടിക്കാഴ്ച. അഫ്ഗാനിസ്താന് ഉള്പ്പെടെ രാജ്യാന്തര വിഷയങ്ങള് കൂടിക്കാഴ്ചയില് ചര്ച്ചചെയ്തതായി വാര്ത്ത ഏജന്സിയായ എ.എന്.ഐ റിപ്പോര്ട്ട് ചെയ്തു. ചര്ച്ച ഫലപ്രദമായിരുെന്നന്ന് ഡോ.എസ്. ജയശങ്കര് ട്വീറ്റ് ചെയ്തു. ‘രാഷ്ട്രീയ, സാമ്ബത്തിക, ഡിജിറ്റല്, സുരക്ഷ പങ്കാളിത്തത്തെക്കുറിച്ച് ചര്ച്ച ചെയ്തു. അഫ്ഗാനിലെ ഭരണമാറ്റം ഉള്പ്പെടെ രാജ്യാന്തര, പ്രാദേശിക സംഭവവികാസങ്ങളെക്കുറിച്ച് ആശയവിനിമയം നടത്തി. ഖത്തറും ഇന്ത്യയും തമ്മില് വ്യാപര, നിക്ഷേപ പങ്കാളിത്തം വിപുലീകരിക്കുന്നതുമായി ബന്ധപ്പെട്ടും ചര്ച്ചയില് താല്പര്യം പ്രകടിപ്പിച്ചു’ -കൂടിക്കാഴ്ചക്കു പിന്നാലെ ഇന്ത്യന് വിദേശകാര്യ മന്ത്രി വ്യക്തമാക്കി.
ഇന്ത്യന് വിദേശകാര്യമന്ത്രിയുമായുള്ള കൂടിക്കാഴ്ച ഫലപ്രദമായിരുെന്നന്ന് ശൈഖ് മുഹമ്മദ് ബിന് അബ്ദുല് റഹ്മാന് ആല്ഥാനി പറഞ്ഞു. ഉഭയകക്ഷി ബന്ധം ശക്തിപ്പെടുത്തുന്നത് സംബന്ധിച്ചും, രാജ്യാന്തര തലത്തിലെ സംഭവിവാകസങ്ങളെക്കുറിച്ചും ചര്ച്ച നടത്തിയാതായി ശൈഖ് മുഹമ്മദ് ബിന് അബ്ദുല് റഹ്മാന് ട്വീറ്റ് ചെയ്തു. വെള്ളിയാഴ്ച ആസ്ട്രേലിയയിലെ മെല്ബണില് ആരംഭിക്കുന്ന ‘ക്വാഡ്’ വിദേശകാര്യ മന്ത്രിമാരുടെ സമ്മേളനത്തില് പങ്കെടുക്കുന്നതിന് മുന്നോടിയായാണ് ഇന്ത്യന് വിദേശകാര്യമന്ത്രി ഖത്തറിലെത്തുന്നത്. ആസ്ട്രേലിയ, ജപ്പാന്, അമേരിക്ക രാജ്യങ്ങളാണ് ‘ക്വാഡ്’ കൂട്ടയ്മയിലെ മറ്റ് അംഗങ്ങള്. അഫ്ഗാനിലെ സമാധാന പ്രവര്ത്തനങ്ങള്ക്ക് മുന്കൈയെടുക്കുകയും, ജീവകാരുണ്യ പ്രവര്ത്തനങ്ങള്ക്ക് നേതൃത്വം നല്കുകയും രാജ്യം വിടുന്നവരെ ഒഴിപ്പിക്കുന്നതില് പങ്കുവഹിക്കുകയും ചെയ്തത് ഖത്തറായിരുന്നു. അഫ്ഗാന് വിഷയത്തില് ഇന്ത്യയുടെ നിലപാടുകളും ആശങ്കകളും വിദേശകാര്യമന്ത്രി പങ്കുവെച്ചു.
ഊര്ജ മേഖലയിലെ സഹകരണവും കൂടിക്കാഴ്ചയില് ചര്ച്ചയായി. ഇന്ത്യ ഉപയോഗിക്കുന്ന പ്രകൃതി വാതകത്തിന്റെ 40 ശതമാനവും ഖത്തറില് നിന്നുള്ളതാണ്. ഇന്ത്യന് നഗരങ്ങളിലെ വാതക വിതരണ മേഖലയില് ഖത്തറില്നിന്നുള്ള നിക്ഷേപ സാധ്യതയും ചര്ച്ചയായി. ഖത്തര് ഇന്വെസ്റ്റ്മെന്റ് അതോറിറ്റിയുടെ തലവന് കൂടിയാണ് ശൈഖ് മുഹമ്മദ് ബിന് അബ്ദുറഹ്മാന് ആല്ഥാനി. ഊര്ജമേഖലയിലെ സഹകരണം ഊഷ്മളമാക്കാന് 2020ല് ഇരു രാജ്യങ്ങളും പ്രത്യേക ടാസ്ക് ഫോഴ്സിന് രൂപം നല്കിയിരുന്നു. കഴിഞ്ഞ വര്ഷം മൂന്നുതവണ ടാസ്ക് ഫോഴ്സ് യോഗം ചേരുകയും ചെയ്തു. പെട്രോള് കേന്ദ്രീകൃത സമ്ബദ് ഘടനയില്നിന്നും പ്രകൃതിവാതകത്തെ ആശ്രയിക്കുന്ന സമ്ബദ്ഘടനയിലേക്കുള്ള മാറ്റം കൂടിയാണ് ഇന്ത്യ ലക്ഷ്യമിടുന്നത്. ഫിലിപ്പീന്സ് കൂടി സന്ദര്ശിച്ച ശേഷമായിരിക്കും വിദേശകാര്യമന്ത്രി ‘ക്വാഡ്’ ഉച്ചകോടിയില് പങ്കെടുക്കുക. ഏഷ്യ പസഫിക് മേഖലയിലെയും ആഗോള തലത്തിലെയും പ്രശ്നങ്ങള് ചര്ച്ചയാകും.