കര്‍ണ്ണാടകയിലെ ഹിജാബ് വിഷയത്തില്‍ പ്രതികരണവുമായി ആഗോള ഭീകര സംഘടനയായ അല്‍ ഖ്വയ്ദ. അല്‍ ഖ്വയ്ദ തലവന്‍ സവാഹിരിയാണ് ഈ വിഷയത്തില്‍ പ്രതികരിച്ചിരിക്കുന്നത്. അടിച്ചമര്‍ത്തലിനെതിരെ ഇന്ത്യയിലെ മുസ്ലിംങ്ങള്‍ പ്രതികരിക്കണമെന്നാണ് അദ്ദേഹം വീഡിയോയിലൂടെ ആഹ്വാനം ചെയ്തിരിക്കുന്നത്.
ഹിജാബിനെതിരെ രംഗത്തെത്തിയ വിദ്യാര്‍ത്ഥികളോട് പ്രതികരിച്ച കോളേജ് വിദ്യാര്‍ഥി മുസ്‌കാന്‍ ഖാനെ സവാഹിരി പ്രശംസിച്ചു. സ്വന്തം കവിത ചൊല്ലിയാണ് സവാഹിരി മുസ്‌കാന്‍ ഖാനെ പ്രശംസിച്ചത്. ‘ ദ നോബിള്‍ വുമണ്‍ ഓഫ് ഇന്ത്യ’ എന്ന് എഴുതിയ പോസ്റ്ററിന്റെ പശ്ചാത്തലത്തിലായിരുന്നു സവാഹിരിയുടെ വീഡിയോ.
ഒമ്പത് മിനിറ്റുള്ള വീഡിയോയാണ് പുറത്ത് വിട്ടിരിക്കുന്നത്. ഹിജാബ് നിരോധിച്ച മറ്റ് രാജ്യങ്ങളേയും സവാഹിരി വിമര്‍ശിക്കുന്നുണ്ട്. പാകിസ്ഥാനും ബം?ഗ്ലാദേശും പടിഞ്ഞാറന്‍ രാജ്യങ്ങളുടെ സഖ്യകക്ഷികളാണെന്നും സവാഹിരി ആരോപിച്ചു.
