കൊച്ചി: തൃക്കാക്കരയിലെ ഇടതു സ്ഥാനാര്ഥി ഡോ. ജോ ജോസഫിന്റെ പേരില് വ്യാജ വീഡിയോ പ്രചരിപ്പിച്ച കേസില് റിമാന്ഡില് കഴിയുന്ന നസീറാണ് സൂത്രധാരനെന്ന് അന്വേഷണ സംഘം.
വീഡിയോ പ്രചരിപ്പിക്കാന് യുഡിഎഫ് നേതൃത്വം ഇടപെട്ടതായി റിമാന്ഡ് റിപ്പോര്ട്ടില് പറയുന്നില്ല.
കേസില് അറസ്റ്റിലായ നൗഫല് എന്ന യൂത്ത് കോണ്ഗ്രസ് പ്രാദേശിക നേതാവാണ് വീഡിയോ വ്യാപകമായി പ്രചരിപ്പിച്ചത്. പ്രാദേശിക യുഡിഎഫ് വാട്സാപ്പ് ഗ്രൂപ്പുകളിലും എഫ്ബി പേജിലും നൗഫല് വീഡിയോ പ്രചരിപ്പിച്ചു.
പോളിംഗ് ദിനത്തില് കോയന്പത്തൂരില്നിന്ന് അറസ്റ്റിലായ മലപ്പുറം കോട്ടക്കുന്ന് ഉതിന്നൂര് സ്വദേശി അബ്ദുള് ലത്തീഫിന് വീഡിയോ നല്കിയത് നൗഫലാണെന്നാണ് പോലീസ് കണ്ടെത്തിയിരുന്നു.