നയന്താരയും വിഘ്നേശ് ശിവനും വാടക ഗര്ഭധാരണത്തിലൂടെ ഇരട്ടക്കുട്ടികളെ സ്വീകരിച്ചത് വലിയ വിവാദമാണ് സൃഷ്ടിച്ചത്.വാടക ഗര്ഭധാരണത്തിന്റെ ചട്ടങ്ങള് പാലിച്ചോ എന്ന് പരിശോധിക്കാന് തമിഴ്നാട് ആരോഗ്യ വകുപ്പ് ജോയിന്റ് രജിസ്ട്രാറുടെ നേതൃത്വത്തില് ആശുപത്രിയില്നിന്ന് വിവരങ്ങള് ശേഖരിച്ചു.ആശുപത്രിയിലെ അന്വേഷണം പൂര്ത്തിയായ ശേഷം ആവശ്യമെങ്കില് നയന്താരയെയും വിഘ് നേശ്് ശിവനെയും ചോദ്യം ചെയ്യും. നയന്താരയുടെ ബന്ധുവാണ് വാടകഗര്ഭധാരണത്തിന് തയാറായതെന്നാണ് സൂചന. ഇരട്ടക്കുട്ടികളുടെ മാതാപിതാക്കളായ വിവരം ഒക്ടോബര് 9ന് വിഘ് നേശ് ശിവനാണ് സമൂഹ മാദ്ധ്യമത്തിലൂടെ പങ്കുവച്ചത്.അതേസമയം ബോളിവുഡില് അരങ്ങേറ്റം കുറിക്കുന്ന ജവാന് എന്ന ചിത്രത്തിന്റെ അവസാന ഷെഡ്യൂളിന് പോവാനൊരുങ്ങുകയാണ് നയന്താര. രാജസ്ഥാനില് 20 ദിവസത്തെ ചിത്രീകരണമാണ് അവശേഷിക്കുന്നത്. ഷാരൂഖ് ഖാന് ആണ് നായകന്.സംവിധായകന് അറ്റ്ലിയുടെയും ബോളിവുഡ് അരങ്ങേറ്റമായ ജവാനില് വിജയ് സേതുപതി പ്രതിനായകനാവുന്നു.