ശ്രീകണ്ഠപുരം: നടുവിലില് വീട് വാടകക്കെടുത്ത് വന്തോതില് നിരോധിത പുകയില ഉല്പന്നങ്ങള് വില്പന നടത്തിയ വ്യാപാരിയെ കുടിയാന്മല സി.ഐ മെല്ബിന് ജോസിന്റെ നേതൃത്വത്തില് അറസ്റ്റ് ചെയ്തു.
നടുവില് – ശ്രീകണ്ഠപുരം റോഡരികില് ഗ്രാന്റ് ബേക്കറി നടത്തുന്ന പയ്യാവൂര് സ്വദേശി തൊട്ടിപ്പറമ്ബില് മജീദ് (47)ആണ് പിടിയിലായത്. ആവശ്യക്കാരാണെന്ന വ്യാജേന വേഷം മാറി എത്തിയാണ് പൊലീസ് മജീദിനെ പിടികൂടിയത്.
നടുവില് മണ്ഡളം ചുള്ളിപ്പള്ളത്ത് വീട് വാടകക്കെടുത്ത് ഇയാള് വന്തോതില് പാന്മസാലകള് വില്ക്കുന്നതായി പൊലീസിന് വിവരം ലഭിച്ചിരുന്നു. ഇതേത്തുടര്ന്ന് നിരീക്ഷണത്തിലായിരുന്നു മജീദ്. ബേക്കറിയില് പാന്മസാലക്ക് ആവശ്യക്കാരെത്തുമ്ബോള് വീട്ടില് ചെന്ന് എടുത്തുകൊടുക്കുകയായിരുന്നു പതിവ്.
വേഷം മാറിയെത്തിയ പൊലീസ് കൂടുതല് പാന്മസാലകള് വേണമെന്ന് മജീദിനോട് പറഞ്ഞു. തുടര്ന്ന് വാടക വീട്ടിലെത്തി പാന്മസാല എടുത്തുനല്കാന് ശ്രമിക്കുമ്ബോഴാണ് പിടികൂടിയത്. 2652 പാക്കറ്റ് പാന്മസാല വാടക മുറിയില് നിന്നും പിടിച്ചെടുത്തു.
എസ്.ഐമാരായ വിജില്ദാസ്, പ്രദീപന്, സീനിയര് സി.പി.ഒമാരായ എസ്. ഇബ്രാഹിം, സജിമോന്, സിദ്ധാര്ഥന്, സി.പി.ഒമാരായ സുഭാഷ്, അബ്ദുല് സലീം എന്നിവരും മജീദിനെ പിടികൂടിയ സംഘത്തിലുണ്ടായിരുന്നു.