തിരുവനന്തപുരം: സില്വര്ലൈന് പദ്ധതിയുമായി ബന്ധപ്പെട്ട പ്രതിഷേധങ്ങളെ സംയമനത്തോടെ നേരിടണമെന്ന് സംസ്ഥാന പോലീസ് മേധാവി അനില്കാന്ത് അറിയിച്ചു.
പോലീസിന്റെ ഭാഗത്ത് നിന്നും യാതൊരു പ്രകോപനവും ഉണ്ടാകരുതെന്നും ഡിജിപി നിര്ദേശം നല്കിയിട്ടുണ്ട്.
ജില്ലാ പോലീസ് മേധാവിമാരോടായിരുന്നു അദ്ദേഹം ഇക്കാര്യം അറിയിച്ചത്. ചങ്ങനാശേരി മാടപ്പള്ളിയിലും കോഴിക്കോട് കല്ലായിയിലും കെറെയില് അതിരടയാള കല്ലിടാന് വന്ന ഉദ്യോഗസ്ഥരും നാട്ടുകാരും തമ്മില് സംഘര്ഷമുണ്ടായിരുന്നു. ഇത് ഏറെ വിവാദമായ പശ്ചാത്തലത്തിലായിരുന്നു നിര്ദേശവുമായി ഡിജിപി രംഗത്തെത്തിയത്.