കട്ടപ്പന: മൂന്നാഴ്ചയോളം യുവാവിെന്റ മൂക്കിനുള്ളില് കഴിഞ്ഞ നാല് സെന്റിമീറ്റര് വലുപ്പമുള്ള കുളയട്ടയെ പറത്തെടുത്തു.
കട്ടപ്പന വാലുമ്മേല് ഡിബിെന്റ (39) മൂക്കില്നിന്നാണ് പുറത്തെടുത്തത്. ആഴ്ച്കള്ക്ക് മുമ്ബുണ്ടായ തുമ്മലില്നിന്നാണ് ശാരീരിക അസ്വസ്ഥതയുടെ തുടക്കം. തുടര്ച്ചയായ തുമ്മല് കാലാവസ്ഥ വ്യതിയാനം മൂലമാണെന്ന ധാരണയില് കാര്യമാക്കാതെയിരുന്ന ഡിബിെന്റ മൂക്കില്നിന്ന് പിന്നീട് രക്തംവരാന് തുടങ്ങി. ഉടന് കട്ടപ്പനയിലെ സ്വകാര്യ ആശുപത്രിയില് ചികിത്സതേടി.
എന്ഡോസ്കോപ്പിയടക്കം ചെയ്തുനോക്കിയെങ്കിലും കാരണം കണ്ടെത്താനായില്ല. മൂക്കിലൊഴിക്കാനുള്ള തുള്ളിമരുന്നുമായി ഡിബിന് വീട്ടിലേക്ക് മടങ്ങിയെങ്കിലും അസ്വസ്ഥതകള് മാറിയില്ല. പിന്നീട് ആയുര്വേദവും പരീക്ഷിച്ചെങ്കിലും മൂക്കിനുള്ളില് നിന്ന് രക്തം വരവുതുടര്ന്നു. ആഴ്ചകള് നീണ്ടിട്ടും ചികിത്സക്ക് ഫലമില്ലാതെ വന്നതോടെ തിങ്കളാഴ്ച വൈകീട്ട് പള്ളിക്കവലയിലുള്ള ഇ.എന്.ടി വിദഗ്ധ ഡോ.
ശ്രീജമോളെ സമീപിച്ചു. ഇവിടെ നടത്തിയ പരിശോധനയിലാണ് മൂക്കിനുള്ളില് രക്തം കുടിച്ചിരുന്ന കുളയട്ടയെ കണ്ടെത്തിയത്. ഉടന്തന്നെ അട്ടയെ പുറത്തെടുത്തു. ഏലത്തോട്ടത്തിന് നടുവിലുള്ള അരുവിയിലെ ജലം ഉപയോഗിച്ച് മുഖം കഴുകിയപ്പോഴാകാം അട്ട മൂക്കിനുള്ളില് കയറിയതെന്ന് സംശയിക്കുന്നു.