ബുറൈമി: ഒ.ഐ.സി.സി സുഹാര്‍ റീജനല്‍ കമ്മിറ്റിയുടെ കീഴില്‍ ബുറൈമി ഏരിയ കമ്മിറ്റി നിലവില്‍ വന്നു.
ദേശീയ പ്രസിഡന്റ് സജി ഔസേഫ് ഉദ്ഘാടനം ചെയ്തു. യോഗത്തില്‍ സുഹാര്‍ റീജനല്‍ കമ്മിറ്റി പ്രസിഡന്റ് റെജി മണര്‍കാട് അധ്യക്ഷത വഹിച്ചു. ഒ.ഐ.സി.സിയുടെ പ്രവര്‍ത്തനം ഒമാന്റെ ഓരോ മുക്കിലും മൂലയിലും എത്തിക്കുക എന്ന ലക്ഷ്യത്തോടെയാണ് പ്രവര്‍ത്തിക്കുന്നതെന്ന് ഉദ്ഘാടന പ്രസംഗത്തില്‍ സജി ഔസേഫ് പറഞ്ഞു.
അംഗത്വ വിതരണ ഉദ്ഘാടനം നിര്‍വഹിച്ച്‌ ഒ.ഐ.സി.സി ദേശീയ ജനറല്‍ സെക്രട്ടറി ബിന്ദു പാലക്കല്‍ മുഖ്യ പ്രഭാഷണം നടത്തി. ബുറൈമിയിലെ മുതിര്‍ന്ന കോണ്‍ഗ്രസ് പ്രവര്‍ത്തകനും പഴയകാല നേതാവുമായ സുബ്ബറാവുവിനെ ചടങ്ങില്‍ ആദരിച്ചു. സീനിയര്‍ നേതാവ് എന്‍.ഒ. ഉമ്മന്‍, ഒ.ഐ.സി.സി കേന്ദ്ര കമ്മിറ്റി അംഗം സുനില്‍ ഡി. ജോര്‍ജ്, സുഹാര്‍ റീജനല്‍ ജനറല്‍ സെക്രട്ടറി ഏലിയാസ്, നേതാക്കളായ കമാല്‍, ഉബൈദ് തുടങ്ങിയവര്‍ സംസാരിച്ചു. വില്‍സണ്‍ പ്ലാമൂട്ടില്‍ സ്വാഗതവും ഇസ്മാഈല്‍ പെരിന്തല്‍മണ്ണ നന്ദിയും പറഞ്ഞു. എല്‍വിസ്, ഹുബൈല്‍, ഖലീല്‍ റഹ്മാന്‍, സുകു തിരൂര്‍, അര്‍ജുന്‍, കുമാര്‍ വേലു, അഫ്‌സല്‍, ക്രിസ്റ്റീന, എ.സി. അഷ്റഫ്, റെജി വാകത്താനം, ബാല, മുഹമ്മദ്, ചിത്രലേഖ, ലിജോ ജോണ്‍സന്‍, സജീര്‍, സുബൈര്‍, മിനു ജോയ് തുടങ്ങിയവര്‍ പങ്കെടുത്തു.
