ന്യൂഡല്‍ഹി: റോഡ് മുറിച്ചുകടക്കുന്നതിനിടെ, യുവതിക്ക് ബസ് കയറിയിറങ്ങി ദാരുണാന്ത്യം. നിര്‍ത്തിയിട്ടിരിക്കുന്ന ബസിന് മുന്നിലൂടെ റോഡ് മുറിച്ചു കടക്കുന്നതിനിടെ, ബസ് മുന്നോട്ടെടുത്താണ് അപകട കാരണം.
അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നു.
ഡല്‍ഹിയിലെ കരോള്‍ ബാഗില്‍ കഴിഞ്ഞദിവസമാണ് സംഭവം. കോള്‍ സെന്ററില്‍ ജോലി ചെയ്യുന്ന സപ്‌ന യാദവ് ആണ് മരിച്ചത്. നിര്‍ത്തിയിട്ടിരിക്കുന്ന ബസിന്റെ ഇടതുവശത്തുകൂടി യുവതി വേഗത്തില്‍ നടന്നുപോകുന്നതാണ് വീഡിയോയുടെ തുടക്കം.
Don't rush while crossing the road!
Woman Tries To Cross #Delhi Road, Run Over By #Bus#Video #Viral #news #UnMuteIndiaWatch And Subscribe To Our Youtube Page For More Such Videos: https://t.co/RkH6Ggu3FV pic.twitter.com/48D3ejmOTO
— UnMuteINDIA (@LetsUnMuteIndia) October 31, 2022
ബസിന് മുന്നിലൂടെ റോഡ് മുറിച്ചു കടക്കാന്‍ ശ്രമിക്കുന്നതിനിടെയാണ് അപകടം നടന്നത്. യുവതി മുന്നിലൂടെ റോഡ് മുറിച്ചു കടക്കുന്നത് ശ്രദ്ധിക്കാതെ വാഹനം മുന്നോട്ടെടുത്താണ് അപകടമരണത്തിന് കാരണമായത്. അപകടം നടന്ന ഉടന്‍ തന്നെ വാഹനം നിര്‍ത്താന്‍ വഴിയാത്രക്കാര്‍ ഒച്ചവെച്ച്‌ ബഹളം കൂട്ടി. വാഹനം പൊലീസ് പിടിച്ചെടുത്തു. സംഭവത്തിന് പിന്നാലെ ഡ്രൈവറും സഹായിയും സ്ഥലത്ത് നിന്ന് കടന്നുകളഞ്ഞതായും പൊലീസ് പറയുന്നു.
