ഫ്ലോറിഡ : മൂന്ന് തവണ യുണൈറ്റഡ് സ്റ്റേറ്റ്സ് ഒളിമ്പിക് മെഡല് ജേതാവും ലോക ചാമ്പ്യന് സ്പ്രിന്ററുമായ ടോറി ബോവി 32 ആം വയസ്സില് അന്തരിച്ചതായി മാനേജ്മെന്റ് കമ്പനി ബുധനാഴ്ച അറിയിച്ചു. ബോവിയെ ഫ്ലോറിഡയിലെ വീട്ടില് മരിച്ച നിലയില് കണ്ടെത്തിയതായി ബോവിയുടെ ഏജന്റ് കിംബര്ലി ഹോളണ്ട് സിഎന്എന്നിനോട് പറഞ്ഞു. മരണകാരണം ഇതുവരെ അറിവായിട്ടില്ല.
ബോവി ജനിച്ച് വളര്ന്നത് മിസിസിപ്പിയിലെ സാന്ഡ് ഹില്ലിലാണ്, കൂടാതെ 100 മീറ്റര് ഡാഷിലും 200 മീറ്റര് ഡാഷിലും ലോംഗ് ജമ്പിലും രണ്ട് സംസ്ഥാന ഹൈസ്കൂള് ചാമ്പ്യന്ഷിപ്പുകളും 4×100 റിലേയില് മൂന്ന് സംസ്ഥാന കിരീടങ്ങളും നേടി.
2021-ല് സതേണ് മിസിസിപ്പിയില് ഔട്ട്ഡോര് ആന്റ് ഇന്ഡോര് ട്രാക്കില് നടന്ന കാലത്ത് രണ്ട് NCAA ലോംഗ് ജമ്പ് ചാമ്പ്യന്ഷിപ്പുകളില് തുടങ്ങി 20-കളില് വളരെ ചുരുങ്ങിയ സമയത്തിനുള്ളില് നിരവധി അംഗീകാരങ്ങള് നേടി. 100 മീറ്റര് ഓട്ടത്തില് വെള്ളിയും 200 മീറ്റര് ഓട്ടത്തില് വെങ്കലവും 4×100 റിലേയില് ടിയാന ബാര്ട്ടോലെറ്റ, ആലിസണ് ഫെലിക്സ്, ഇംഗ്ലീഷ് ഗാര്ഡ്നര് എന്നിവരോടൊപ്പം ആങ്കറായി തന്റെ മൂന്ന് ഒളിമ്പിക് മെഡലുകളും നേടിയതു 2016-ല് റിയോ ഗെയിംസിലാണ്.
ലണ്ടനില് നടന്ന 2017 ലോക അത്ലറ്റിക് ചാമ്പ്യന്ഷിപ്പില് 100 മീറ്റര് ഡാഷിലും 4×100 റിലേയിലും ബോവി വിജയിച്ചു. രണ്ട് വര്ഷം മുമ്പ്, 2015 ല് ബീജിംഗില് നടന്ന ചാമ്പ്യന്ഷിപ്പില് 100 മീറ്റര് ഓട്ടത്തില് വെങ്കലം നേടിയിരുന്നു. 2019-ല് ഖത്തറില് നടന്ന ലോക ചാമ്പ്യന്ഷിപ്പില് ലോങ്ജമ്പില് നാലാമതായി ഫിനിഷ് ചെയ്തു.
പി പി ചെറിയാന്