പുതിയ ഭക്ഷ്യസുരക്ഷാനയം പരിസ്ഥിതി സൗഹൃദമായിരിക്കുമെന്ന് ഖത്തര് മുനിസിപ്പാലിറ്റി മന്ത്രി.ഒക്ടോബറില് തുടങ്ങുന്ന ഹോര്ട്ടികള്ചറല് എക്സ്പോ ഈ രംഗത്തെ വെല്ലുവിളികള് നേരിടാനുള്ള സാങ്കേതികവിദ്യകള് അവതരിപ്പിക്കുമെന്നാണ് പ്രതീക്ഷയെന്നും അദ്ദേഹം പറഞ്ഞു.
ഇറ്റലിയില് ഫുഡ് ആന്റ് അഗ്രികള്ച്ചര് ഓര്ഗനൈസേഷന് കോണ്ഫറന്സില് സംസാരിക്കുകയായിരുന്നു മുനിസിപ്പാലിറ്റി മന്ത്രി.
2024- 2030ലേക്കുള്ള പുതിയ ഭക്ഷ്യസുരക്ഷാ നയം പ്രഖ്യാപിക്കാനൊരുങ്ങുകയാണ് ഖത്തര്. മുന്കാല നയങ്ങളില് നിന്നും പാഠമുള്ക്കൊള്ളും. പരിസ്ഥിതി സൗഹൃദവും കൂടുതല് ഉത്പാദന ക്ഷമതയും ഉറപ്പാക്കുകയാണ് ലക്ഷ്യമെന്നും മന്ത്രി ഡോ. അബ്ദുള്ള ബിന് അബ്ദുല് അസീസ് ബിന് തുര്ക്കി അല് സുബൈ പറഞ്ഞു.