ജമ്മു കശ്മീരിലെ പൂഞ്ചില്‍ ഇന്ത്യൻ വ്യോമസേനയുടെ (ഐഎഎഫ്) വാഹനവ്യൂഹത്തിനുനേരെയുണ്ടായ ഭീകരാക്രമണം ബിജെപിയുടെ തിരഞ്ഞെടുപ്പിന് മുമ്ബുള്ള സ്റ്റണ്ടാണെന്ന് പഞ്ചാബ് മുൻ മുഖ്യമന്ത്രിയും കോണ്‍ഗ്രസ് നേതാവുമായ ചരണ്‍ജിത് സിംഗ് ചന്നി ഞായറാഴ്ച പറഞ്ഞു.
ഇവയെല്ലാം സ്റ്റണ്ടുകളാണെന്നും തീവ്രവാദി ആക്രമണങ്ങളല്ലെന്നും ഇതില്‍ യാതൊരു സത്യവുമില്ലെന്നും ജനങ്ങളുടെ ജീവനും ശരീരവും വെച്ചാണ് ബിജെപി കളിക്കുന്നതെന്നും അദ്ദേഹം പറഞ്ഞു.
തെരഞ്ഞെടുപ്പിനെ അട്ടിമറിക്കാനാണ് ബിജെപി ഇത്തരം സംഭവങ്ങള്‍ സംഘടിപ്പിക്കുന്നതെന്ന് ആരോപിച്ച ചന്നി, ബിജെപിയുടെ തിരഞ്ഞെടുപ്പ് സാധ്യതകള്‍ ശക്തിപ്പെടുത്തുന്നതിനായി ഇത്തരം ആക്രമണങ്ങള്‍ ആസൂത്രിതവും നടപ്പാക്കിയതുമാണെന്ന് ആരോപിച്ചു. തിരഞ്ഞെടുപ്പ് വരുമ്ബോഴെല്ലാം ഇത്തരം സ്റ്റണ്ടുകള്‍ കളിക്കാറുണ്ടെന്നും കഴിഞ്ഞ പൊതുതെരഞ്ഞെടുപ്പിലും സമാനമായ ആക്രമണങ്ങള്‍ ഉണ്ടായിട്ടുണ്ടെന്നും ചാന്നി പറഞ്ഞു.
