ഇസ്ലാമാബാദ്: ബജറ്റ് ലക്ഷ്യങ്ങള്‍ കൈവരിക്കാൻ 2024-25 സാമ്ബത്തിക വർഷത്തില്‍ ചൈന പോലുള്ള പ്രധാന സഖ്യകക്ഷികളില്‍ നിന്ന് 12 ബില്യണ്‍ യുഎസ് ഡോളറിന്റെ കടം വാങ്ങാൻ പാകിസ്ഥാൻ തീരുമാനിച്ചു.
ദി എക്സ്പ്രസ് ട്രിബ്യൂണ്‍ പത്രമാണ് ഇക്കാര്യം റിപ്പോർട്ട് ചെയ്തത്.
പണമില്ലാത്ത രാജ്യത്തേക്ക് അന്താരാഷ്‌ട്ര നാണയ നിധി (ഐഎംഎഫ്) ടീം വരുന്നതിന് മുമ്ബ് പണം കൈവരിക്കാനാണ് പാകിസ്ഥാന്റെ ലക്ഷ്യം. സൗദി അറേബ്യയില്‍ നിന്ന് 5 ബില്യണ്‍ ഡോളറും യുഎഇയില്‍ നിന്ന് 3 ബില്യണ്‍ ഡോളറും ചൈനയില്‍ നിന്ന് 4 ബില്യണ്‍ യുഎസ് ഡോളറും വാങ്ങാനാണ് ധനമന്ത്രാലയം ഉള്‍പ്പെട്ടവർ തീരുമാനിച്ചിരിക്കുന്നതെന്നാണ് വിവരം.
ചൈനയില്‍ നിന്നുള്ള കൂടുതല്‍ പുതിയ ധനസഹായത്തിന്റെ എസ്റ്റിമേറ്റ് അടുത്ത സാമ്ബത്തിക ബജറ്റ് വർഷത്തില്‍ ഉള്‍പ്പെടുത്തും.
പുതിയ വായ്പാ പദ്ധതിക്ക് കീഴില്‍ പാകിസ്ഥാന് അന്താരാഷ്‌ട്ര നാണയ നിധിയില്‍ നിന്ന് (ഐഎംഎഫ്) 1 ബില്യണ്‍ ഡോളറിലധികം ലഭിക്കും. അതേസമയം ലോക ബാങ്കില്‍ നിന്നും ഏഷ്യൻ ഡെവലപ്‌മെൻ്റ് ബാങ്കില്‍ നിന്നുമുള്ള പുതിയ ധനസഹായവും കണക്കാക്കിയ ബജറ്റില്‍ ഉള്‍പ്പെടുത്തിയിട്ടുണ്ട്.
