ട്വന്റി 20 ലോകകപ്പ് ക്രിക്കറ്റിെന്റ പ്രാഥമിക റൗണ്ട് മത്സരങ്ങള്ക്ക് ഒമാന് ഒക്ടോബര് 17ന് വേദിയായി.
ആദ്യമത്സരത്തില് പത്തരമാറ്റ് തിളക്കത്തിലാണ് ഒമാന് ജയിച്ചുകയറിയത്. പത്തു വിക്കറ്റിനാണ് പാ പ്വ ന്യൂഗിനിയയെ തോല്പിച്ചത്. ഉദ്ഘാടന മത്സരത്തിന് സാംസ്കാരിക, കായിക മന്ത്രി സയ്യിദ് ദീയസിന് ബിന് ഹൈതം അല് സഈദ് കാര്മികത്വം വഹിച്ചു. ഫുട്ബാളിന് മാത്രം വളക്കൂറുള്ള മണ്ണില് ക്രിക്കറ്റും വിളയുമെന്ന് തെളിയിച്ചാണ് ലോകമാമാങ്കത്തിന് തിരശ്ശീലവീണത്.
കേവലം മൂന്നോ, നാലോ മാസം മാത്രമാണ് ലോകകപ്പ് ക്രിക്കറ്റ് ഒരുക്കങ്ങള്ക്കായി ഒമാന് ക്രിക്കറ്റ് അസോസിയേഷന് ലഭിച്ചത്. അന്തര്ദേശീയ നിലവാരമുള്ള പിച്ചുകള്, ഫ്ലഡ് ലൈറ്റുകള്, ഡ്രസിങ് റൂം, മീഡിയ റൂം ഇവയെല്ലാം ഈ കുറഞ്ഞ സമയംകൊണ്ട് ഒരുക്കാന് ഒമാന് സാധിച്ചു. കൂടുതല് രാജ്യാന്തര മത്സരങ്ങള്ക്കു വേദിയാകാന് ഒമാന് തയാറെടുത്തു കഴിഞ്ഞു എന്നതിെന്റ വിളംബരം കൂടിയായിരുന്നു ട്വന്റി 20 ലോകകപ്പ് ക്രിക്കറ്റ് ടൂര്ണമെന്റ്. ടെസ്റ്റ് ക്രിക്കറ്റ് മത്സരത്തിനുള്ള വേദിയായി ഒമാനെ 2021ല് ഐ.സി.സി തെരഞ്ഞെടുത്തിട്ടുണ്ട്. ഏകദിനം, ട്വന്റി 20 എന്നിവക്ക് പുറമെ ടെസ്റ്റ് ക്രിക്കറ്റിനും സുല്ത്താനേറ്റ് ആതിഥേയത്വം വഹിക്കും.