ചെറുവത്തൂര്: വികാസ് കൊടക്കാടിെന്റ ശബ്ദം ഇനി ലോകമെങ്ങുമുള്ള സ്പോര്ട്സ് പ്രേമികളുടെ കാതില് മുഴങ്ങും.
കൊടക്കാട് നാരായണ സ്മാരക ഗ്രന്ഥാലയത്തിെന്റയും സ്പോര്ട്സ് ക്ലബിെന്റയും മുന്നിര പ്രവര്ത്തകനും അധ്യാപകനുമായ വികാസ് കൊടക്കാടാണ് ഹൈദരാബാദില് നടക്കുന്ന റുേപ പ്രൈം വോളിബാള് ലീഗ് മത്സരത്തില് മലയാളത്തില് ദൃക്സാക്ഷി വിവരണം നടത്തുക. സോണി സ്പോര്ട്സ് ചാനലില് മലയാളം കമന്റേറ്ററായി തിരഞ്ഞെടുത്തുകൊണ്ടുള്ള അറിയിപ്പ് ലഭിച്ചതിനെത്തുടര്ന്ന് വികാസ് ഹൈദരാബാദിലെത്തി.
നിരവധി വോളിബാള് താരങ്ങള്ക്ക് അവരുടെ കഴിവുകള് പ്രകടിപ്പിക്കാനുള്ള അവസരമാണ് വോളി പ്രൈംലീഗ് മത്സരങ്ങളിലൂടെ ലഭിക്കുക. ഹൈദരാബാദ് ഗച്ചിബൗളി ഇന്ഡോര് സ്റ്റേഡിയത്തിലാണ് ടൂര്ണമെന്റ് നടക്കുന്നത്. ഉദ്ഘാടന മത്സരത്തില് ഹൈദരാബാദ് ബ്ലാക്ക് ഹോക്സിന്റെ ഹോം ടീം കൊച്ചി ബ്ലൂ സ്പൈക്കേഴ്സിനെ നേരിടും.
23 ദിവസമായി 24 മത്സരങ്ങളാണ് ടൂര്ണമെന്റില് ഉണ്ടാവുക. കാലിക്കറ്റ് ഹീറോസ്, കൊച്ചി ബ്ലൂ സ്പൈക്കേഴ്സ്, അഹമ്മദാബാദ് ഡിഫന്ഡേഴ്സ്, ഹൈദരാബാദ് ബ്ലാക്ക് ഹോക്സ്, ചെന്നൈ ബ്ലിറ്റ്സ്, ബംഗളൂരു ടോര്പ്പിഡോസ്, കൊല്ക്കത്ത തണ്ടര്ബോള്ട്സ് എന്നീ ഏഴ് ടീമുകളുടെയും ഓരോ റൗണ്ട് മത്സരമാണ് ആദ്യഘട്ടത്തില്. ലീഗ് പോയന്റടിസ്ഥാനത്തില് ആദ്യ നാല് ടീമുകള് സെമിയിലേക്ക് യോഗ്യത നേടും.
വോളിബാളിെന്റ ഈറ്റില്ലമായ കൊടക്കാട് നാരായണ സ്മാരക ക്ലബില് നടന്ന മത്സരങ്ങളിലൂടെയാണ് വികാസ് കമന്റേറിയനായി മാറിയത്. സംസ്ഥാന, ജില്ലതലത്തിലുള്ള വിവിധ മത്സരങ്ങളില് തുടര്ന്ന് ദൃക്സാക്ഷി വിവരണം നടത്തി. കളിക്കാര്ക്കും കാണികള്ക്കും ഒരുപോലെ ആവേശം വിതറുന്ന ശൈലിയിലാണ് വികാസിെന്റ വിവരണം.
ലോകമെമ്ബാടുമുള്ള മലയാളികള്ക്ക് ഒരു കൊടക്കാടുകാരെന്റ ശബ്ദം കേള്ക്കാനാവുമെന്നതിനാല് നാടാകെ ആവേശത്തിലാണ്.