അഹമ്മദാബാദ്: ലൈംഗിക ബന്ധത്തിലേര്‍പ്പെടാന്‍ സമ്മതിക്കാത്തതിന്റെ പേരില്‍ പൊലീസുകാരനായ ഭര്‍ത്താവ് തന്നെ ക്രൂരമായി പീഡിപ്പിക്കുന്നെന്നും ഉപേക്ഷിച്ചെന്നുമുള്ള പരാതിയുമായി യുവതി.
അഹമ്മദാബാദിലെ ഘട്‌ലോഡിയ ഏരിയയില്‍ നിന്നുള്ള 32 കാരിയായ സ്ത്രീയാണ് ശനിയാഴ്ച ഗാര്‍ഹിക പീഡനത്തിന് പോലീസില്‍ പരാതി നല്‍കിയത്. 2020 മെയ് മാസത്തില്‍ ലൈംഗികബന്ധത്തില്‍ ഏര്‍പ്പെടാന്‍ വിസമ്മതിച്ചപ്പോള്‍ മുതലാണ് ക്രൂരമായ മര്‍ദ്ദന മുറകള്‍ ആരംഭിച്ചതെന്ന് യുവതി പറയുന്നു. അന്ന് ഭര്‍ത്താവ് ബെല്‍റ്റ് കൊണ്ട് അടിച്ചു. അതിനുശേഷം അയാള്‍ യുവതിയെ നിരന്തരം പീഡിപ്പിക്കുകയും 2022 ജനുവരിയില്‍ ഉപേക്ഷിക്കുകയും ചെയ്തു എന്നാണ് യുവതിയുടെ പരാതി.
2012ല്‍ ഇരുവരും ഒരു മത്സര പരീക്ഷയ്ക്ക് തയ്യാറെടുക്കുന്നതിനിടെയാണ് ഇരുവരും ആദ്യമായി കണ്ടുമുട്ടുന്നത്. പിന്നീട് ഇരുവരും പ്രണയത്തിലായി. തുടര്‍ന്ന് 2014 സെപ്റ്റംബറില്‍ തങ്ങള്‍ വിവാഹിതരായെന്നും യുവതി വെളിപ്പെടുത്തുന്നു. അവര്‍ വിവാഹിതരായി. പോലീസില്‍ ജോലി ലഭിച്ചതിനെ തുടര്‍ന്ന് അവര്‍ കച്ചിലേക്ക് മാറി. വിവാഹം കഴിഞ്ഞ് ഭര്‍ത്താവിന്റെ വീട്ടില്‍ എത്തിയപ്പോള്‍ മുതല്‍ സ്ത്രീധനം നല്‍കാത്തതിന്റെ പേരില്‍ ഭര്‍ത്താവിന്റെ അച്ഛന്‍ ആക്ഷേപിക്കാന്‍ തുടങ്ങിയെന്നും യുവതി പരാതിയില്‍ പറയുന്നു.
2019 ല്‍, യുവതിയുടെ ഭര്‍ത്താവിന് പാടാനിലേക്ക് സ്ഥലംമാറ്റം ലഭിച്ചു. യുവതിയും ഭര്‍ത്താവിനൊപ്പം അങ്ങോട്ടേക്ക് മാറി. 2020 മെയ് മാസത്തില്‍, ഭര്‍ത്താവ് ഒരുദിവസം ഉച്ചകഴിഞ്ഞ് വീട്ടില്‍ വന്ന് ലൈംഗിക ബന്ധത്തിലേര്‍പ്പെടാന്‍ യുവതിയെ ക്ഷണിച്ചു. എന്നാല്‍, ക്ഷീണിതയായതിനാല്‍, അവള്‍ വിസമ്മതിച്ചു. തുടര്‍ന്ന് ബോധരഹിതയായി വീഴുന്നതുവരെ ഭര്‍ത്താവ് ബെല്‍റ്റ് ഉപയോഗിച്ച്‌ തന്നെ അടിച്ചെന്നും യുവതി പരാതിയില്‍ പറയുന്നു. 2022 ജനുവരി മൂന്നിന്, അവളുടെ ഭര്‍ത്താവ് അവളെ വീണ്ടും മര്‍ദ്ദിക്കുകയും രാത്രി മുഴുവന്‍ അവരുടെ വീടിന് പുറത്ത് നിര്‍ത്തുകയും ചെയ്തു. അടുത്ത ദിവസം അവന്‍ അവളുടെ വസ്ത്രങ്ങളും മറ്റ് സാധനങ്ങളും എടുക്കാന്‍ അനുവദിച്ചു, തുടര്‍ന്ന് അവരുടെ വീട് പൂട്ടി യുവതിയെ ഉപേക്ഷിക്കുകയായിരുന്നു.
