റിയാദ്: കേളി കലാ സാംസ്കാരിക വേദി മലാസ് ഏരിയ ജരീര്‍ യൂനിറ്റ് ഗസല്‍ സന്ധ്യ സംഘടിപ്പിച്ചു.ലുലു മലാസ് ഓഡിറ്റോറിയത്തില്‍ നടന്ന പരിപാടിയില്‍ നിരവധിപേര്‍ പങ്കെടുത്തു.
റിയാദിലെ ഗസല്‍ ഗായകരായ അശോക്. ജി, ഇബ്രാഹിം ഉമ്ബായി തുടങ്ങിയവര്‍ ഗസല്‍ സന്ധ്യക്ക് മാറ്റുകൂട്ടി. കൂടാതെ, ഇന്ത്യന്‍ എംബസി ഫസ്റ്റ് സെക്രട്ടറി അനില്‍ റാത്തോറിയുടെ മകള്‍ വസുന്ദര ഗസല്‍ ആലപിച്ചത് ഏറെ ഇമ്ബമുള്ളതായി.
ഷാനവാസ് ഷാനു ( കീബോര്‍ഡ്), റോഷന്‍ (ഹാര്‍മോണിയം), ബിജു (തബല), സലിം (റിഥം പാഡ്), ജെയ് ജെയ്, യൂനിസ് (ഗിത്താര്‍) തുടങ്ങിയവര്‍ അണിനിരന്നു. റിയാദിലെ സാമൂഹിക സാംസ്കാരിക രംഗത്തെയും എംബസിയിലെയും വിശിഷ്ട വ്യക്തികളെ കൂടാതെ ലോക സഞ്ചാരികളായ സ്കോട്ട്ലന്‍ഡ് സ്വദേശി ജെഡും ബ്രിട്ടന്‍ സ്വദേശി അഡെക്സും ഗസല്‍ സന്ധ്യയില്‍ പങ്കെടുത്തു. സ്കോട്ട്ലന്‍ഡ് ഫ്ലാഗ് കേളി മുഖ്യരക്ഷാധികാരി കണ്‍വീനര്‍ കെ.പി.എം. സാദിഖിന് കൈമാറി. പരിപാടിക്ക് സുജിത്‌ സ്വാഗതവും മുകുന്ദന്‍ നന്ദിയും പറഞ്ഞു. നൗഫല്‍ പൂവ്വക്കുര്‍ശ്ശി അവതാരകനായിരുന്നു.
