മനാമ: തലശ്ശേരി മുസ്ലിം വെല്‍ഫെയര്‍ അസോസിയേഷന്‍ ഇഫ്‌താര്‍ സംഗമം നടത്തി. മനാമ കെ.എം.സി.സി ഹാളില്‍ നടന്ന പരിപാടിയില്‍ ആക്ടിങ് പ്രസിഡന്‍റ് സി.എച്ച്‌.
റഷീദ് അധ്യക്ഷത വഹിച്ചു. ട്രഷറര്‍ ടി.സി.എ. മുസ്തഫ, സഹീര്‍ അബ്ബാസ്, കെ.പി. ഫുആദ്, കെ.എന്‍. സാദിഖ് എന്നിവര്‍ പരിപാടികള്‍ക്ക് നേതൃത്വം നല്‍കി.
ബഹ്‌റൈന്‍ പ്രവാസം മതിയാക്കി നാട്ടിലേക്ക് തിരിക്കുന്ന മുതിര്‍ന്ന അംഗം ആലാന്‍ ഉസ്മാനുള്ള ഉപഹാരം അബ്ദുറഹ്മാന് കൈമാറി. കെ.എം.സി.സി സെക്രട്ടറി റഫീഖ് തോട്ടക്കര, ആലാന്‍ ഉസ്മാന്‍, അബ്ദുറഹ്മാന് എന്നിവര്‍ ആശംസകള്‍ അര്‍പ്പിച്ചു സംസാരിച്ചു. നിസാര്‍ ഉസ്മാന്‍, റെനീഷ്, ശബാബ് കാത്താണ്ടി, അഫ്സല്‍ എന്നിവര്‍ പരിപാടികള്‍ നിയന്ത്രിച്ചു. ജനറല്‍ സെക്രട്ടറി അബ്ദുറഹ്മാന് പാലിക്കണ്ടി സ്വാഗതവും ജാവേദ് ടി.സി.എ നന്ദിയും പറഞ്ഞു.
