മുന്‍ ഇന്ത്യന്‍ പേസ് ബൗളര്‍ മനോജ് പ്രഭാകറിനെ നേപ്പാള്‍ മുഖ്യ പരിശീലകനായി നിയമിച്ചതായി നേപ്പാള്‍ ക്രിക്കറ്റ് അസോസിയേഷന്‍ അറിയിച്ചു.
അടുത്തിടെ തന്റെ സ്ഥാനം രാജിവച്ച്‌ കാനഡ പുരുഷ ടീമിന്റെ മുഖ്യ പരിശീലകനായി ചുമതലയേറ്റ 52 കാരനായ മുന്‍ ശ്രീലങ്കന്‍ ടെസ്റ്റ് വിക്കറ്റ് കീപ്പര്‍-ബാറ്റര്‍ പുബുദു ദസനായകെയുടെ പിന്‍ഗാമിയായാണ് പ്രഭാകര്‍ എത്തുന്നത്.
ഇന്ത്യക്കായി ബൗളിംഗ് ഓള്‍റൗണ്ടറായിരുന്നു പ്രഭാകര്‍, 169 അന്താരാഷ്ട്ര മത്സരങ്ങളില്‍ രാജ്യത്തെ പ്രതിനിധീകരിച്ചു. മൂന്ന് രഞ്ജി ട്രോഫി ടീമുകളുടെ മുഖ്യ പരിശീലകനായി അദ്ദേഹം പ്രവര്‍ത്തിച്ചിട്ടുണ്ട്, കൂടാതെ 2016 ല്‍ അഫ്ഗാനിസ്ഥാന്റെ ബൗളിംഗ് കോച്ചായി സേവനമനുഷ്ഠിച്ചിട്ടുണ്ട്.
