കൊല്ലം: വടക്കഞ്ചേരി അപകടം നടന്നതിന് പിന്നാലെ ഒളിവില് പോയ ടൂറിസ്റ്റ് ബസ് ഡ്രൈവര് ജോമോന് പിടിയില്.
കൊല്ലം ചവറയില് വച്ചാണ് ഇയാളെ പിടികൂടിയത്. തിരുവനന്തപുരത്തേക്ക് രക്ഷപ്പെടാന് ശ്രമിക്കുന്നതിനിടെയാണ് ജോമോനെ ചവറ പൊലീസ് പിടികൂടിയത്.
അപകടത്തിന് പിന്നാലെ ഇയാള് തൃശൂരിലെ ആശുപത്രിയില് ചികിത്സ തേടി. പിന്നാലെ അവിടെ നിന്ന് തിരുവനന്തപുരത്തേക്ക് കടക്കാനായിരുന്നു ശ്രമം. അഭിഭാഷകനെ കാണാനായി കാറില് പോകുമ്ബോഴാണ് ഇയാള് പൊലീസിന്റെ വലയിലായത്.
ജോമോനെ രക്ഷപ്പെടാന് സഹായിച്ച രണ്ട് പേരെയും പൊലീസ് കസ്റ്റഡയില് എടുത്തിട്ടുണ്ട്. എറണാകുളം കോട്ടയം സ്വദേശികളാണ് ഇരുവരും.
ഇയാളെ ചവറ പൊലീസ് ചോദ്യം ചെയ്യുകയാണ്. അന്വേഷണത്തിന്റെ ഭാഗമായി വടക്കഞ്ചേരി പൊലീസിന് കൈമാറും.
വടക്കഞ്ചേരി അഞ്ചുമൂര്ത്തിമംഗലത്തിന് സമീപം സ്കൂളില് നിന്നു വിനോദയാത്രയ്ക്ക് പോയ ടൂറിസ്റ്റ് ബസ് കെഎസ്ആര്ടിസി ബസില് ഇടിച്ചാണ് അപകടമുണ്ടായത്. സംഭവത്തില് വിദ്യാര്ത്ഥികളടക്കം ഒന്പത് പേര് മരിച്ചു. അമ്ബതോളം പേര്ക്ക് പരിക്കേറ്റു. ഏഴു പേരുടെ നില ഗുരുതരമാണ്.
ഇന്നലെ രാത്രി പതിനൊന്നരയോടെയാണ് അപകടമുണ്ടായത്. എറണാകുളം മുളന്തുരുത്തി ബസേലിയസ് വിദ്യാനികേതന് സ്കൂളില് നിന്നു വിനോദയാത്രയ്ക്ക് പോയ സംഘമാണ് അപകടത്തില്പ്പെട്ടത്. ഊട്ടിയിലേക്ക് വിനോദയാത്രയ്ക്ക് പോകുകയായിരുന്നു. കൊട്ടാരക്കര- കോയമ്ബത്തൂര് സൂപ്പര്ഫാസ്റ്റ് ബസുമായി ഇടിച്ചാണ് അപകടമുണ്ടായത്.
മരിച്ചവരില് അഞ്ച് പേര് വിദ്യാര്ത്ഥികളാണ്. ഒരു അധ്യാപകനും മൂന്ന് കെഎസ്ആര്ടിസി യാത്രക്കാരും അപകടത്തില് മരിച്ചു. 41 വിദ്യാര്ത്ഥികളും അഞ്ച് അധ്യാപകരും അടങ്ങുന്നതായിരുന്നു വിനോദയാത്രാ സംഘം.