കോളേജ് യൂണിയന് തിരഞ്ഞെടുപ്പില് മത്സരിച്ചിട്ടുണ്ട്.പൊതു തിരഞ്ഞെടുപ്പുകളിലൊന്നും ഇതുവരെ മത്സരിച്ചിട്ടില്ല. ആദ്യമായി വോട്ട് ചെയ്തത് പോലും കഴിഞ്ഞ തവണയാണ്. എന്നിട്ടും സിനിമയില് രണ്ട് തവണ പഞ്ചായത്ത് പ്രസിഡന്റും ഒരു തവണ പഞ്ചായത്ത് മെമ്ബറുമായി”-മത്സരം പോലും നേരിടാതെ രണ്ടാം തവണയും പ്രസിഡന്റായതിന്റെ സന്തോഷത്തിലാണ് നടി വീണാ നായര്.
കോട്ടയം ഒളശ്ശ എന്ന സ്ഥലത്താണ് വീണ ജനിച്ചത്. അച്ഛന്, അമ്മ, സഹോദരന്, അച്ഛന്റെ അമ്മ എന്നിവരടങ്ങുന്ന കുടുംബം.നാലാം വയസില് നൃത്തം അഭ്യസിച്ചു തുടങ്ങിയ വീണ ഭരതനാട്യത്തിനും കേരള നടനത്തിലും പ്രാവീണ്യം നേടി.നര്ത്തകിയായ നടിക്ക് പരമ്ബരകളിലും തുടര്ന്ന് സിനിമകളിലും അവസരങ്ങള് വന്നു ചേര്ന്നു.
സുരേഷ് ഗോപിയെ കേന്ദ്ര കഥാപാത്രമാക്കി ജിബു ജേക്കബ് സംവിധാനം ചെയ്ത’മേം ഹൂം മൂസ”യിലെ പഞ്ചായത്ത് പ്രസിഡന്റ് പങ്കജത്തിന്റെ വേഷം അവതരിപ്പിച്ച് വീണ്ടും തിളങ്ങുകയാണ് വീണ.
മേം ഹൂം മൂസയിലെ മുടിയിഴകള് നരച്ച, മലപ്പുറം ശൈലിയില് സംസാരിക്കുന്ന പ്രസിഡന്റ് പി.പി പങ്കജം വലിയ ജനശ്രദ്ധയാണ് നേടിയത്. 2014ല് റിലീസ് ചെയ്ത തന്റെ ആദ്യ ചിത്രം വെള്ളിമൂങ്ങയില് വീണ പ്രേക്ഷകര്ക്ക് മുന്നിലെത്തിയത് പഞ്ചായത്ത് പ്രസിഡന്റായിട്ടായിരുന്നു. രണ്ടും സംവിധാനം ചെയ്തത് ജിബു ജേക്കബ് ആണെന്നത് മറ്റൊരു കൗതുകം. അതുകൊണ്ട് തന്നെ ഒരേ സംവിധായകന്റെയും ടീമിന്റെയും കൂടെ വീണ്ടും ഒന്നിച്ചപ്പോള് വെള്ളിമൂങ്ങയുടെ ചിത്രീകരണമാണ് ഓര്മയില് വന്നതെന്ന് വീണ പറയുന്നു.
ചിത്രത്തില് പ്രസിഡന്റ് പങ്കജത്തിനൊരു പ്രസംഗമുണ്ട്. മലപ്പുറം ശൈലിയില് ആ പ്രസംഗം അവതരിപ്പിക്കാന് താന് വലിയ പരിശ്രമം നടത്തിയതായി വീണ പറഞ്ഞു .
‘സുരേഷേട്ടനോടൊപ്പം(സുരേഷ് ഗോപിൗ2) ആദ്യമായാണ് സ്ക്രീന് പങ്കിടുന്നത്. അതിന്റെ ഒരു ഭയം ഉള്ളില് തോന്നിയിരുന്നു. എന്നാല് അദ്ദേഹം വളരെ ഫ്രണ്ട്ലി യായി ഇടപഴകിയപ്പോള് അത് മാറി.” സുരേഷ് ഗോപിയുമായി നേരിട്ട് ഒരു രംഗം മേം ഹൂം മൂസയില് വീണയ്ക്കുണ്ട്. സീന് കഴിഞ്ഞപ്പോള് അദ്ദേഹം വന്ന് തന്നെ അഭിനന്ദിച്ചത് അവാര്ഡിനേക്കാള് വലുതായാണ് കരുതുന്നത്.
‘ ഇരുപത്തഞ്ചോളം ചിത്രങ്ങളില് അഭിനയിച്ചെങ്കിലും വെള്ളിമൂങ്ങയിലെ പ്രസിഡന്റ് വേഷം തന്നെയാണ് ഇപ്പോഴും പ്രേക്ഷകര് ഓര്ത്തിരിക്കുന്ന റോള്. സിനിമ പ്രേമികള് നെഞ്ചിലേറ്റിയ കഥാപാത്രമാണത്. പി. പി പങ്കജത്തേയും ജനങ്ങള് ഏറ്റെടുത്തു കഴിഞ്ഞു എന്നറിയുന്നതില് സന്തോഷമുണ്ട്.
അതിനെനിക്ക് നന്ദി പറയാനുള്ളത് ജിബു ചേട്ടനോടും ഭാര്യ ബോബി ചേച്ചിയോടുമാണ്. ഗുരു തുല്യനായി കരുതുന്നത് കൊണ്ടാകാം ജിബു ചേട്ടനോട് നേരിട്ട് സംസാരിക്കാന് ഇപ്പോഴും ഭയമാണ്.’തട്ടീം മുട്ടീം” എന്ന പരമ്ബര കണ്ട് ബോബി ചേച്ചിയാണ് എന്നെ വെള്ളിമൂങ്ങയിലേക്ക് തിരഞ്ഞെടുക്കാന് പ്രേരിപ്പിച്ചത്. അങ്ങനെയാണ് മലയാള സിനിമയിലേക്കുള്ള രംഗപ്രവേശം. ചിത്രീകരണ സമയം ഓരോ രംഗം അഭിനയിച്ചു കഴിയുമ്ബോഴും മോണിറ്ററില് പോയി നോക്കാറുണ്ട്. എന്നാല് ജിബു ചേട്ടനോടൊപ്പം ചെയ്ത ആദ്യരാത്രി ഉള്പ്പെടെയുള്ള മൂന്നു സിനിമകളിലും ഞാന് മോണിറ്ററില് പോയി നോക്കിയിട്ടില്ല. ഡബ്ബിംഗ് സമയമാണ് എന്റെ അഭിനയം ഞാന് കാണുന്നത്. കാരണം ജിബു ചേട്ടന് എടുക്കുന്ന ഓരോ ഷോര്ട്ടും പെര്ഫെക്ട് ആയിരിക്കും എന്ന വിശ്വാസം എനിക്കുണ്ട്”. വെള്ളരിപട്ടണം എന്ന ചിത്രത്തിലാണ് പഞ്ചായത്ത് മെമ്ബറായി അഭിനയിച്ചത്. വീണ പറഞ്ഞുനിര്ത്തി.മകന് ധന്വ്വിനോടൊപ്പം കൂടുതല് സമയം ചിലവിടാനിഷ്ടപ്പെടുന്ന വീണയിപ്പോള് നിര്മ്മാതാവാന് ഒരുങ്ങുകയാണ്.