ഇന്നലെ വൈകിട്ടായിരുന്നു സംഭവം. ആരാണ് തട്ടിക്കൊണ്ടുപോയതെന്നോ കാരണമോ ഇതുവരെ വ്യക്തമല്ല. നിയാസിന്റെ ഫോണ്‍ കേന്ദ്രീകരിച്ച്‌ പൊലീസ് അന്വേഷണം നടത്തുന്നുണ്ട്. ബന്ധുക്കളുടേയും സുഹൃത്തുക്കളുടേയും മൊഴിയും രേഖപ്പെടുത്തും.
കഴിഞ്ഞ ശനിയാഴ്ച്ച താമരശ്ശേരിയില്‍ ഒരു വ്യാപാരിയെ തട്ടിക്കൊണ്ടുപോയിരുന്നു. താമരശ്ശേരി തച്ചംപൊയില്‍ അവേലം സ്വദേശി അഷ്റഫിനെ ശനിയാഴ്ച രാത്രി 9.45 ന് ആണ് സുമോയിലും കാറിലുമായി എത്തിയ സംഘം തട്ടിക്കൊണ്ടുപോയത്. മുക്കത്ത് സൂപ്പര്‍ മാര്‍ക്കറ്റ് നടത്തുന്നയാളാണ് അഷ്റഫ്. വെഴുപ്പൂര്‍ സ്കൂളിന് സമീപത്തെ വളവില്‍ വെച്ചിയിരുന്നു സംഭവം.
അഷ്റഫിനെ തട്ടികൊണ്ടുപോകാന്‍ ഉപയോഗിച്ച കാറുകളും പിന്നീട് കണ്ടെത്തിയിരുന്നു. വ്യാപാരിയെ കയറ്റി കൊണ്ടുപോയ സുമോ മുക്കത്ത് നിന്നും കൂടെ എത്തിയ സ്വിഫ്റ്റ് മലപ്പുറം മഞ്ചേരിയില്‍ നിന്നുമാണ് താമരശ്ശേരി പോലീസ് കണ്ടെത്തിയത്. മറ്റൊരു കാറു കൂടി കണ്ടെത്താനുണ്ട്. തട്ടിക്കൊണ്ടുപോകുന്ന ദൃശ്യങ്ങള്‍ സമീപത്തെ സിസിടിവി ക്യാമറയില്‍ പതിഞ്ഞിരുന്നു. അഷ്റഫിനെയും പ്രതികളേയും കണ്ടെത്താന്‍ പോലീസ് അന്വേഷണം ഊര്‍ജിതമാക്കി.
