കാസര്‍കോട് കുണ്ടംകുഴി മെരുത്തടുക്കം സിനാന്‍ (24), തൃശ്ശൂര്‍ മുള്ളൂര്‍ തുലക്കാട്ടില്‍ മുഹമ്മദ് സുഹൈല്‍ (24) എന്നിവരാണ് പിടിയിലായത്. മുഹമ്മദ് സുഹൈല്‍ കാസര്‍കോട്ടാണ് ഇപ്പോള്‍ താമസം. കാറിന്റെ ചില്ലിന് പുറത്ത് ഡോക്ടറുടെ ചിഹ്നം പതിച്ചായിരുന്നു കടത്ത്.
തൃശ്ശൂരില്‍ നിന്ന് കാസര്‍കോട്ടേക്ക് പോകുന്ന വഴിയിലാണ് പോലീസ് തടഞ്ഞ് പരിശോധന നടത്തിയത്. കണ്ണൂര്‍ എ.സി.പി. ടി.കെ. രത്നകുമാറിന്റെ നിര്‍ദേശപ്രകാരം എടക്കാട് ഇന്‍സ്പെക്ടര്‍ സത്യനാഥന്‍, പ്രിന്‍സിപ്പല്‍ എസ്.ഐ. എന്‍. ദിജേഷ് എന്നിവരുടെ നേതൃത്വത്തിലാണ് പരിശോധന നടത്തിയത്. കാസര്‍കോട്ടുനിന്ന് ആന്ധ്രാപ്രദേശിലേക്ക് കടത്താനായിരുന്നു ഇവരുടെ പദ്ധതിയെന്ന് പോലീസ് പറഞ്ഞു. എ.എസ്.ഐ. മിനി ഉമേഷ്, സീനിയര്‍ സി.പി.ഒ.മാരായ സി.കെ. സീന, വി.പി. ഷമീം എന്നിവരും സംഘത്തിലുണ്ടായിരുന്നു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു. കൂടുതല്‍ അന്വേഷണത്തിനായി കേസ് വനംവകുപ്പിന് കൈമാറിയിട്ടുണ്ട്.
