യു എസ് വ്യോമഗതാഗത ഏജൻസി ഫെഡറൽ ഏവിയേഷൻ അഡ്മിനിസ്ട്രേഷനിൽ (എഫ് എ എ) ഉണ്ടായ കംപ്യൂട്ടർ തകരാറു മൂലം ബുധനാഴ്ച രാജ്യവ്യാപകമായി ഫ്ലൈറ്റുകൾ തടസപ്പെട്ടതായി റിപ്പോർട്ട്. തകരാർ പരിഹരിക്കാൻ അടിയന്തര നടപടി എടുത്തെന്നു എഫ് എ എ അറിയിച്ചു.
രാവിലെ ഇ ടി 6.30നു 700 ഫ്ലൈറ്റുകൾ രാജ്യത്തിനകത്തു മുടങ്ങിയതായി ഫ്ലൈറ്റ്അവെയർ അറിയിച്ചു.
വിമാനങ്ങൾക്കു പറക്കാൻ തടസമുണ്ടാവുന്നതും ആവശ്യമായ മാറ്റങ്ങളും അറിയിക്കുന്ന എഫ് എ എ സംവിധാനം വിവരങ്ങൾ പുതുക്കുന്നില്ല എന്നു വ്യോമഗതാഗത ഏജൻസി അറിയിച്ചു. അതു ശരിയാക്കാൻ ശ്രമിച്ചു കൊണ്ടിരിക്കുന്നു. എന്നാൽ എത്ര സമയം എടുക്കും എന്നു തീർച്ചയില്ല.
ഫ്ലൈറ്റ്അവെയർ നൽകുന്ന കണക്കുകൾ: മൊത്തം വൈകുന്ന ഫ്ലൈറ്റുകൾ 6,845. മൊത്തം റദ്ദാക്കിയത് 1,346.
ഏതാനും വിമാനങ്ങൾ പറക്കുന്നുണ്ടെങ്കിലും വ്യാപകമായി വൈകുന്നു.
FAA computer glitch forces mass cancellation of US flights