ന്യൂഡല്‍ഹി: എട്ടാമത് കനയ്യലാല്‍ സേഠിയ കവിതാ പുരസ്‌കാരത്തിന് കവിയും കേരള സാഹിത്യ അക്കാദമി പ്രസിഡന്റുമായ കെ.
സച്ചിദാനന്ദന് അര്‍ഹനായി. ഒരുലക്ഷം രൂപയും ഫലകവും അടങ്ങുന്നതാണ് പുരസ്‌കാരം. 16-ാമത് ജയ്പുര്‍ ലിറ്ററേച്ചര്‍ ഫെസ്റ്റിവലില്‍ (ജെ.എല്‍.എഫ്.) അവാര്‍ഡ് സമ്മാനിക്കും.
മഹാകവി കനയ്യലാല്‍ സേഠിയ ഫൗണ്ടേഷന്റെ സഹകരണത്തോടെയാണ് പുരസ്‌കാരം ഏര്‍പ്പെടുത്തിയത്. മലയാളത്തിലും ഇംഗ്ലീഷിലുമായി 21 കവിതാസമാഹാരങ്ങളും 16 ലോകകവിതാ വിവര്‍ത്തനഗ്രന്ഥങ്ങളും 21 സാഹിത്യനിരൂപണകൃതികളും നാടകങ്ങളും യാത്രാവിവരണങ്ങളും സച്ചിദാനന്ദന് രചിച്ചിട്ടുണ്ട്.
