പ്രിയ വര്ഗീസിന്റെ നിയമനം റദ്ദാക്കണമെന്ന് ആവശ്യപ്പെട്ട് രണ്ടാം റാങ്കുകാരനായ ഡോ ജോസഫ് സ്കറിയ സുപ്രീംകോടതിയെ സമീപിച്ചു.
നേരത്തെ കേസില് യുജിസിയും സുപ്രീംകോടതിയെ സമീപിച്ചിരുന്നു. കേസില് പ്രിയ വര്ഗീസ് സുപ്രീംകോടതിയില് തടസഹര്ജിയും സമര്പ്പിട്ടുണ്ട്. ദിവസങ്ങള്ക്ക് മുൻപ് കണ്ണൂര് സര്വകലാശാല അസോസിയേറ്റ് പ്രൊഫസറായി പ്രിയ വര്ഗ്ഗീസ് ചുമതലയേറ്റിരുന്നു. സര്വ്വകലാശാല ആസ്ഥാനത്തെത്തിയാണ് ചുമതലയേറ്റത്. ഉടൻതന്നെ നീലേശ്വരം ക്യാമ്ബസ്സില് പ്രിയ വര്ഗീസ് ജോലിയില് പ്രവേശിച്ചു.
കണ്ണൂര് സര്വകലാശാല അസോസിയേറ്റ് പ്രൊഫസര് നിയമനത്തില് ഡോ. പ്രിയാ വര്ഗീസിന് അനുകൂലമായി ഹൈക്കോടതി ഡിവിഷൻ ബഞ്ച് ഉത്തരവിറക്കിയിരുന്നു. പ്രിയക്ക് നിയമനം നല്കിയ റാങ്ക് ലിസ്റ്റ് പുനപരിശോധിക്കണമെന്ന ഹൈക്കോടതി സിംഗിള് ബഞ്ച് ഉത്തരവ് റദ്ദാക്കിയാണ് ജസ്റ്റിസ് ജയശങ്കര് നമ്ബ്യാര് ജസ്റ്റിസ് മുഹമ്മദ് നിയാസ് എന്നിവര് ഉള്പ്പെട്ട ഡിവിഷൻ ബഞ്ച് അനുകൂല വിധി നല്കിയത്.