2019 ഏകദിന ലോകകപ്പ് ഫൈനലിസ്റ്റുകളായ ഇംഗ്ലണ്ടും ന്യൂസിലൻഡും ടൂര്‍ണമെന്റിന്റെ ഉദ്ഘാടന മത്സരത്തില്‍ അഹ്‍മദാബാദിലെ നരേന്ദ്ര മോദി സ്റ്റേഡിയത്തില്‍ ഏറ്റുമുട്ടും. അവസാന മത്സരം നവംബര്‍ 19 ന് നടക്കും. ഐസിസി സമീപകാലത്ത് കൂടുതല്‍ ഷെഡ്യൂളിംഗ് പ്രശ്‌നങ്ങള്‍ നേരിട്ടു. മൂന്ന് അംഗരാജ്യങ്ങള്‍ മത്സര തീയതികളില്‍ ഭേദഗതികള്‍ ആവശ്യപ്പെട്ട് ഐസിസിക്ക് കത്തയച്ചിട്ടുണ്ട്. ഷെഡ്യൂളിലെ പ്രശ്‌നങ്ങള്‍ കാരണം ടിക്കറ്റ് വില്‍പന ഇതുവരെ ആരംഭിച്ചിട്ടില്ല.
എന്നിരുന്നാലും, ആരാധകര്‍ നിരാശപ്പെടേണ്ടതില്ല, ബിസിസിഐ ഓഗസ്റ്റ് 10-ന് ടിക്കറ്റ് വില്‍പ്പന ആരംഭിക്കുമെന്ന് പ്രതീക്ഷിക്കുന്നതായി മാധ്യമങ്ങള്‍ റിപ്പോര്‍ട്ട് ചെയ്തു. ടിക്കറ്റ് നിരക്ക് സംബന്ധിച്ച്‌ ഇന്ത്യൻ ക്രിക്കറ്റ് ബോര്‍ഡ് എല്ലാ സംസ്ഥാന ക്രിക്കറ്റ് അസോസിയേഷനുകളോടും നിര്‍ദേശങ്ങള്‍ തേടിയതായാണ് അറിയുന്നത്. ഐപിഎല് സമയത്ത്, പ്രത്യേക വേദികളില്‍ ഇ-ടിക്കറ്റുകളുടെ അഭാവം സ്റ്റേഡിയങ്ങള്‍ക്ക് പുറത്ത് തിങ്ങിനിറയുന്നതിന് കാരണമായി. ഇത്തവണ ടിക്കറ്റ് വിതരണം സുഗമമാക്കാൻ ഏഴ് മുതല്‍ എട്ട് വരെ കേന്ദ്രങ്ങള്‍ ഉണ്ടാകുമെന്ന് ജയ് ഷാ ഉറപ്പ് നല്‍കിയിട്ടുണ്ട്.
സമയക്രമത്തില്‍ മാറ്റവും വേദി മാറ്റവും ഉണ്ടായേക്കാം, പുതിയ തീയതികള്‍ ഉടൻ പുറത്തുവിടും. ഒക്ടോബര് 15ന് നവരാത്രി ആഘോഷങ്ങളുടെ ഉദ്ഘാടന ദിനമായതിനാല്‍, സുരക്ഷാ ഉദ്യോഗസ്ഥര്‍ ഇതിനകം തന്നെ ഓവര്‍ടൈം ജോലി ചെയ്യുന്നതിനാല്‍ ഏറെ കാത്തിരിക്കുന്ന ഇന്ത്യ-പാകിസ്ഥാൻ ഷെഡ്യൂള്‍ പുനഃക്രമീകരിക്കുമെന്ന് നേരത്തെ റിപ്പോര്‍ട്ട് ഉണ്ടായിരുന്നു.
അതേസമയം, ഇ ടിക്കറ്റുകള്‍ ഉണ്ടാവില്ലെന്ന ബിസിസിഐ തീരുമാനം ചില ക്രിക്കറ്റ് പ്രേമികളെ അസ്വസ്ഥരാക്കി, ഇത്തരമൊരു നീക്കം കരിഞ്ചന്ത വ്യാപിക്കാൻ മാത്രമേ സഹായിക്കൂവെന്ന് അവര്‍ പറയുന്നു. ഫിസിക്കല്‍ ടിക്കറ്റിലെ അനുഭവങ്ങളും അസ്വസ്ഥതകളും നിരവധി പേര്‍ സാമൂഹ്യ മാധ്യമങ്ങളിലൂടെ പ്രകടിപ്പിച്ചു. ‘ഇന്ത്യയില്‍ ക്രിക്കറ്റ് വില കുതിച്ചുയരുന്നു, എന്നാല്‍ ഓരോ വര്‍ഷവും ആരാധകരുടെ അനുഭവം മോശമാവുകയാണ്. അഹമ്മദാബാദില്‍ പേപ്പര്‍ ടിക്കറ്റുകള്‍ എങ്ങനെ പ്രശ്‌നമുണ്ടാക്കി എന്നതിന്റെ വ്യക്തമായ ഉദാഹരണമായിരുന്നു ഐപിഎല് ഫൈനല്‍’, ഒരു ട്വിറ്റര്‍ ഉപയോക്താവ് പറഞ്ഞു.
