തിരുവനന്തപുരം: വയനാട് ജില്ലയില് വവ്വാലുകളില് നിപ വൈറസ് സാന്നിധ്യം സ്ഥിരീകരിച്ചതായി ഐസിഎംആര്. ബത്തേരി, മാനന്തവാടി മേഖലകളിലെ വവ്വാലുകളില് വൈറസ് സാന്നിധ്യം സ്ഥിരീകരിച്ചതായാണ് ഐസിഎംആര് അറിയിച്ചത്.
ഈ സാഹചര്യത്തില് ജാഗ്രത വേണമെന്നും മുന്നറിയിപ്പുകള് പാലിക്കണമെന്നും ആരോഗ്യമന്ത്രി മുന്നറിയിപ്പ് നല്കി.
കോഴിക്കോട് മരുതോങ്കരയില് നിപ ആന്റിബോഡി കണ്ടെത്തിയതായും ഐസിഎംആര് അറിയിച്ചിട്ടുണ്ട്.
പുതിയ നിപ കേസുകള് റിപ്പോര്ട്ട് ചെയ്യപ്പെട്ടിട്ടില്ല. രോഗം തുടക്കത്തിലെ തിരിച്ചറിഞ്ഞതും കൃത്യമായ ഇടപെടല് നടത്തിയതും സഹായകരമായെന്നും മന്ത്രി പറഞ്ഞു. നിപയ്ക്കെതിരായ പ്രതിരോധ പ്രവര്ത്തനങ്ങള് കോഴിക്കോട്ട് എന്നതുപോലെ വയനാട്ടിലും ചിട്ടയോടെ കൊണ്ടുപോകുമെന്നും വീണാ ജോര്ജ് അറിയിച്ചു.