ചിക്കാഗോ മലയാളീ അസോസിയേഷൻ എ ല്ലാ വർഷവും നടത്തിവരുന്ന വനിതാ ദിനാഘോഷം ഈ വർഷവും ആഘോഷിക്കാൻ പ്രസിഡന്റ്‌ ജെസ്സി റിൻസിയുടെ അധ്യക്ഷതയിൽ കൂടിയ ബോർഡ്‌ യോഗം തീരുമാനിച്ചതായി വിമൻസ് ഫോറം ഭാരവാഹികളായ ഷൈനി ഹരിദാസ് ഷാന മോഹൻ നിഷ സജി എന്നിവർ അറിയിച്ചു. മോർട്ടൻ ഗ്രോവ് സെന്റ് മേരീസ്‌ ക്നാനായ ചർച് ഓഡിറ്റോറിയത്തിൽ ആണ് പരിപാടി സംഘടിപ്പിക്കുന്നത്.
തുടർച്ചയായി രണ്ടു തവണ മത്സരിച്ചു വിജയിച്ച ഹൂസ്റ്റൻ ഫോർട്ട്ബെന്റ കൗൺടി യിലെ പ്രഥമ ഏഷ്യനമേരിക്കൻ വനിതാ ജഡ്ജി ജൂലി മാത്യു ആണ് ഈ വർഷത്തെ മുഖ്യ അതിഥി.
വനിതകളിൽ ഉള്ള കഴിവുകളെ കണ്ടെത്തി പ്രോത്സാഹിപ്പിക്കുന്ന മത്സരങ്ങൾ ഉൾപെടുത്തിയുള്ള വിവിധ പരിപാടികൾ ബോർഡ്‌ ഭാരവാഹികളായ ഡോ സിബിൾ ഫിലിപ്പ് ഡോ റോസ് വടകര സാറ അനിൽ ഡോ സൂസൻ ചാക്കോ എന്നിവരുടെ നേതൃത്വത്തിൽ ആസൂത്രണം ചെയ്തു വരുന്നു. ആഗ്നസ് തെങ്ങും മൂട്ടിൽ റാഫിൾ നറുകെടുപ്പിനുള്ള പരിപാടിക്കു നേതൃത്വം കൊടുക്കുന്നു . കുടുംബമായി എല്ലാവരും ഈ പരിപാടിയിൽ പങ്കെടുക്കണമെന്ന് ചിക്കാഗോ മലയാളീ അസോസിയേഷൻ ബോർഡ്‌ അഭ്യർത്തി ച്ചു
