കോഴിക്കോട്: കള്ളക്കടത്ത് തടയുന്നതിനായി കസ്റ്റംസ് പ്രിവൻ്റീവ് വിഭാഗം നടത്തിയ പരിശോധനയില്‍ കരിപ്പൂർ വിമാനത്താവളത്തില്‍ നിന്ന് വൻതോതില്‍ കള്ളക്കടത്ത് പിടികൂടി.
സംഭവവുമായി ബന്ധപ്പെട്ട് ഒരാളെ അറസ്റ്റ് ചെയ്തു.
വിവിധ കേസുകളിലായി 2.5 കിലോ സ്വർണം, 15,800 സിഗരറ്റ് സ്റ്റിക്കുകള്‍, 25.4 ലക്ഷം രൂപയുടെ വിദേശ കറൻസി എന്നിവ കസ്റ്റംസ് പിടിച്ചെടുത്തു. വിദേശത്ത് നിന്ന് എത്തിയ ആറ് യാത്രക്കാരില്‍ നിന്നാണ് വിപണിയില്‍ ഒന്നരക്കോടി രൂപ വിലമതിക്കുന്ന സ്വർണം പിടികൂടിയത്. കൂടാതെ മറ്റൊരു യാത്രക്കാരനില്‍ നിന്ന് 1.88 ലക്ഷം രൂപ വിലമതിക്കുന്ന 15,000 പാക്കറ്റ് ഗോള്‍ഡ് ഫ്ലേക്ക് ബ്രാൻഡ് സിഗരറ്റും പിടിച്ചെടുത്തു.
മറ്റൊരു കേസില്‍ മതിയായ രേഖകളില്ലാതെ വിദേശത്തേക്ക് കടത്താൻ ശ്രമിച്ചതിന് 25,000 യുകെ ഡോളർ പിടിച്ചെടുത്തു. ഇന്ത്യൻ കറൻസിയില്‍ 25.4 ലക്ഷം രൂപയുടെ സ്വർണവും പിടിച്ചെടുത്തു. എന്നാല്‍, കസ്റ്റംസ് പുറത്തിറക്കിയ വാർത്താക്കുറിപ്പില്‍ ഒരാള്‍ മാത്രമാണ് അറസ്റ്റിലായത്.
