തിരുവനന്തപുരം: പൂക്കോട് വെറ്ററിനറി കോളേജിലെ വിദ്യാർത്ഥി സിദ്ധാർത്ഥന്റെ മരണത്തില് റിമാൻഡില് കഴിയുന്ന ഏഴ് പ്രതികളുടെ ജാമ്യാപേക്ഷ ഇന്ന് ഹൈക്കോടതി പരിഗണിക്കും.
കീഴ്കോടതി ആദ്യം ജാമ്യം തള്ളിയിരുന്നു.
ഇതേതുടർന്ന് പ്രതികള് ഹൈക്കോടതിയെ സമീപിക്കുകയായിരുന്നു. അറുപത് ദിവസങ്ങളായി ജയിലില് ആണെന്നും ഏത് ഉപാധികളും അനുസരിക്കാമെന്നും ജാമ്യം അനുവദിക്കണമെന്നുമാണ് ആവശ്യം.
ഫെബ്രുവരി 18 നാണ് സിദ്ധാർത്ഥനെ സർവകലാശാല ഹോസ്റ്റലിലെ ശുചിമുറിയില് മരിച്ച നിലയില് കണ്ടെത്തിയത്. കേസില് പ്രതികളുടെ സ്വാഭാവിക ജാമ്യം തടയാൻ സിബിഐ ആദ്യഘട്ട കുറ്റപത്രം നല്കിയിട്ടുണ്ട്. 20 പ്രതികളെ ഉള്പ്പെടുത്തിയാണ് കുറ്റപത്രം.