തിരുവനന്തപുരം: ഹയർസെക്കൻഡറി പരീക്ഷാ ഫലം പുറത്തുവന്നപ്പോള്‍ നൂറുമേനി വിജയം നേടിയ സർക്കാർ സ്കൂളുകളുടെ എണ്ണത്തില്‍ വൻ കുറവു വന്നതോടെ അന്വേഷണത്തിന് ഉത്തരവിട്ട് മന്ത്രി വി.ശിവൻകുട്ടി.
ഇത്തവണ ഏഴു സ്കൂളുകളാണ് നൂറുമേനി വിജയം നേടിയത്. ഇക്കാര്യത്തില്‍ അന്വേഷണം നടത്തി രണ്ടാഴ്ചക്കകം റിപ്പോർട്ട് നല്‍കണമെന്നാണ് മന്ത്രി നിർദേശം നല്‍കിയിരിക്കുന്നത്. സംസ്ഥാനത്ത് പൊതുവിദ്യാഭ്യാസ രീതി മെച്ചപ്പെടുത്താൻ തീരുമാനിച്ചിട്ടുണ്ടെന്നും മന്ത്രി പറഞ്ഞു.
ഒരു വർഷം നീളുന്ന പദ്ധതിയാണ് സർക്കാർ തയാറാക്കിയിട്ടുള്ളതെന്നും അത് സംബന്ധിച്ച്‌ അടുത്ത ആഴ്ച അധ്യാപക സംഘടനകളുടെ യോഗം ചേരുമെന്നും വിദ്യാഭ്യാസ മന്ത്രി അറിയിച്ചു.
