മാസങ്ങള്ക്ക് അപ്പുറം നടക്കാനിരിക്കുന്ന ഉത്തരാഘണ്ഡ് തിരഞ്ഞെടുപ്പില് ആം ആദ്മി പാര്ട്ടിയിലും ഇത്തവണ വലിയ പ്രതീക്ഷയാണ് വെച്ച് പുലര്ത്തുന്നത്.
ഇതുവരെ ബിജെപി-കോണ്ഗ്രസ് പോര് മാത്രം കണ്ടിരുന്ന സംസ്ഥാനത്ത് ഇരുവരേയും അട്ടിമറിച്ച് കറുത്ത കുതിരകളായി മാറാന് തങ്ങള്ക്ക് കഴിയുമെന്നാണ് ആം ആദ്മി പാര്ട്ടി നേതാക്കള് അവകാശപ്പെട്ടുകൊണ്ടിരിക്കുന്നത്.
സംസ്ഥാനത്തെ തിരഞ്ഞെടുപ്പ് പ്രചരണത്തിന് തുടക്കം കുറിക്കാനെന്നോണം പാര്ട്ടി ദേശീയ കണ്വീനറും ദില്ലി മുഖ്യമന്ത്രിയുമായ അരവിന്ദ് കെജ്രിവാള് ഉത്തരാഘണ്ഡിലെത്തുന്നുണ്ട്. എന്നാല് കെജ്രിവാള് സംസ്ഥാനത്ത് എത്തുന്നതിന് മണിക്കൂറുകള്ക്ക് മുന്പാണ് എ എ പിക്ക് കന്നത്ത തിരിച്ചടി നല്കികൊണ്ട് സംസ്ഥാനത്തെ മുതിര്ന്ന നേതാവ് പാര്ട്ടി വിട്ടിരിക്കുന്നത്.