തൃശൂര്: മാരക ലഹരിമരുന്നായ എംഡിഎംഎയുമായി സ്വകാര്യ ബസ് ഡ്രൈവര് അറസ്റ്റില്.
മേത്തല കുന്നംകുളം സ്വദേശി വേണാട്ട് ഷൈന്(24) ആണ് അറസ്റ്റിലായത്. കൊടുങ്ങല്ലൂരില് യാത്രക്കാരുമായി സര്വീസ് നടത്തുന്നതിനിടെയാണ് ഇയാളെ പോലീസ് പിടികൂടിയത്.
കൊടുങ്ങല്ലൂര് – പറവൂര് റൂട്ടില് സര്വീസ് നടത്തുന്ന അഖില മോള് എന്ന ബസിലെ ഡ്രൈവറാണ് ഷൈന്. ഇയാളുടെ പക്കല് നിന്നും പതിമൂന്ന് പൊതികളിലായി സൂക്ഷിച്ച എംഡിഎംഎ കണ്ടെടുത്തു.
പോലീസിന് ലഭിച്ച രഹസ്യവിവരത്തെ തുടര്ന്നാണ് വടക്കെ നടയില് വച്ച് പരിശോധന നടത്തിയത്. ആദ്യം ഒരു പൊതിയാണ് ലഭിച്ചത്. ദേഹപരിശോധന നടത്തിയപ്പോഴാണ് ബാക്കി പൊതികള് കണ്ടെടുത്തത്. ബംഗളൂരുവില് നിന്നാണ് എംഡിഎംഎ കൊണ്ടുവന്നതെന്ന് പ്രതി പോലീസിനോട് പറഞ്ഞു.
ഡിവൈഎസ്പി സലീഷ് ശങ്കരന്റെ നേതൃത്വത്തില് സ്പെഷ്യല് സ്ക്വാഡും ഡാന്സാഫും ചേര്ന്നാണ് ഇയാളെ അറസ്റ്റ് ചെയ്തത്.