ന്യുജേഴ്സി: കാണാതായ പ്രിസ്റ്റണ് യൂണിവേഴ്സിറ്റി വിദ്യാര്ഥി മിശ്രാ ഇവാന്റയുടെ (20) മൃതദേഹം വ്യാഴാഴ്ച ഉച്ചയോടെ കണ്ടെത്തി.
കഴിഞ്ഞ വെള്ളിയാഴ്ച പുലര്ച്ചെ യൂണിവേഴ്സിറ്റി ഹാളിനു പരിസരത്തുവച്ചാണ് യുവതിയെ അവസാനമായി കാണ്ടത്.
ഒരാഴ്ചയായി ഇവരെ കണ്ടെത്തുന്നതിനുള്ള ശ്രമങ്ങള് നടന്നുവരികയായിരുന്നു. മിശ്രയെ ബന്ധപ്പെടാന് സാധിക്കാത്തതിനെ തുടര്ന്നാണ് കുടുംബാംഗങ്ങള് പോലീസില് വിവരം അറിയിച്ചത്. യൂണിവേഴ്സിറ്റി അധികൃതരും ഇവരുടെ തിരോധാനം സ്ഥിരീകരിച്ചിരുന്നു.
കാണാതായ ദിവസം തന്നെ ഇവരുടെ ഫോണ് കണ്ടെത്തിയിരുന്നു. യൂണിവേഴ്സിറ്റിയിലെ ജീവനക്കാരനാണ് ക്യാന്പസിനു സമീപമുള്ള ടെന്നിസ് കോര്ട്ടിനു പുറകുവശത്ത് ഇവരുടെ മൃതദേഹം കണ്ടെത്തിയത്. എത്യോപ്യയില് നിന്നും 2008ലാണ് മിശ്രയും മാതാപിതാക്കളും അമേരിക്കയിലെത്തുന്നത്.